რამდენიმე კომპანიის მფლობელი წყლის დაგროვილი გადასახადის ჩამოწერას და დაღვრილი წყლის ტარიფის გადახედვას ითხოვს.

აბანოების მეპატრონეებმა დღეს ადგილობრივ და ცენტრალურ ხელისუფლებას მოუწოდეს სემეკთან იშუამდგომლონ და პრობლემის მოგვარებაში დაეხმარონ.

მარეგულირებელ კომისიაში ამბობენ, რომ ეს აბანოებისა და GWP-ის დავაა. "ჯორჯიან უოთერ ენდ ფაუერში" კი აცხადებენ, რომ აბანოები პრივილეგიებით ვერ ისარგებლებენ და დაწესებული ტარიფის შესაბამისად უნდა გადაიხადონ.

"GWP-მ ტარიფები წარგვიდგინა, რომელ ტარიფსაც ვერ ერთი აბანო ვერ გაწვდება. აქ მხოლოდ და მხოლოდ ცხელი გოგირდის წყლის დაღვრის თანხაზეა საუბარი. ის ფიქსირებული გადასახადი 10-12 ჯერ გაიზარდა. ეს იმაზე ბევრად მეტია, 2015 წელს გვქონდა. გადასახდელი თანხა 5-6 ათას ლარამდე აღწევს, ამიტომ ბევრ აბანოს ამ თანხის გადახდა გაუჭირდება", - განაცხადა შპს ჭრელი აბანოების დირექტორმა გურამ დეთიაშვილმა.

აბანოების წარმომადგენლების თქმით ისინი დღეს ხელისუფლებას აღნიშნულ საკითხთან დაკავშირებით მიმირთვას გაუგზავნიან. მათ ხელმოწერებიც შეაგროვეს და 1 კვირის განმავლობაში რეაგირებას დაელოდებიან.

მათივე თქმით, თუ რეაგირება არ მოხდება, 17 მარტს აბანო 1 დღით დაიხურება.

"კონკრეტული საწარმოების მიმართ ტარიფები არ დგინდება. ტარიფი დგინდება ზოგადად სამომხმარებლო ჯგუფიბის მიმართ. ამ შემთხვევაში ტარიფები კომისიის მიერ დადგენილია საყოფაცხოვრებო და არასაყოფაცხოვრებო მომხმარებლებისათვის და შესაბამისად შეუძლებელი იქნება ამ არასაყოფაცხოვრებო ფარგლებში, რომელიღაც კატეგორიის მომხმარებლები კიდევ ცალკე კომისიამ გააკეთოს მისი დეფინიცია. გამოსავალი კომპანიასთან მოლაპარაკებაა", - განაცხადა სემეკის წარმომადგენელმა გოჩა შონიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ნატო გააკრიტიკა ირანთან დაკავშირებით დახმარების სურვილის არქონის გამო

უკრაინამ სამარის ოლქში, კრასნოდარის მხარეში და სევასტოპოლში ნავთობის ობიექტებს შეუტია

პაპუაშვილმა ზახაროვას განცხადებას უპასუხა: ჩვენ ხალხის ინტერესებიდან გამომდინარე ვმოქმედებთ

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს