ჟურნალისტებმა და მოხალისეებმა ღია წყაროებზე დაყრდნობით შეძლეს დაედგინათ უკრაინაში რუსეთის შეჭრის შედეგად დაღუპული, სულ მცირე, 95 026 რუსი სამხედროს სახელები. ეს ინფორმაცია მოპოვებულია "ბიბისის" რუსული რედაქციის და "მედიაზონის" მიერ ღია წყაროებზე დაყრდნობით. ბოლო ორი კვირის განმავლობაში სიას 2 333 სახელი დაემატა.

წინა მონაცემთან შედარებით, ბოლო ორი კვირის განმავლობაში დაღუპულ რუს სამხედროთა რაოდენობას დაახლოებით 4 ათასით ახალი სახელი დაემატა.

დადგენილია, რომ იმ ადამიანების ნახევარზე მეტი, რომელთა დაღუპვაც დადასტურდა, არიან მოხალისეები, რომლებსაც არ ჰქონიათ კავშირი რუსეთის არმიასთან და ხელი მოაწერეს კონტრაქტს რუსეთის თავდაცვის სამინისტროსთან სრულმასშტაბიანი შეჭრის დაწყების შემდეგ.

ჟურნალისტების გაანგარიშებით, დაღუპულ სამხედროთა შორის კოლონიიდან ომში გაგზავნილი 16 171 მსჯავრდადებულია. ამ რიცხვში შედის მხოლოდ ის, ვისი სისხლის სამართლის ჩანაწერებიც დადასტურებულია ღია წყაროებით, მაგრამ სინამდვილეში ეს ციფრი შეიძლება კიდევ უფრო დიდი იყოს.

მკვლევრები აღნიშნავენ, რომ რეალური დანაკარგები შესაძლოა ბევრად მაღალი იყოს, რადგან ჟურნალისტთა ანალიზი, სავარაუდოდ, დაღუპულთა მხოლოდ 45-65 პროცენტს მოიცავს. ბევრი დაღუპულის შესახებ საჯარო ინფორმაცია არ არის.

რუსეთის ხელისუფლება ოფიციალურად არ ავრცელებს ინფორმაციას ფრონტზე განცდილი დანაკარგების შესახებ. მაგრამ ზოგიერთი წყაროს თანახმად, დაღუპულია 91-დან 120 ათასამდე სამხედრო.

უკრაინის პრეზიდენტმა ვოლოდიმირ ზელენსკიმ ცოტა ხნის წინ NBC News-სთან ინტერვიუში აღნიშნა, რომ რუსეთთან ბრძოლის პერიოდში დაიღუპა 46 ათასზე მეტი უკრაინელი სამხედრო, კიდევ ათეულობით ათასი უგზო-უკვლოდ დაიკარგა ან ტყვედ იმყოფება.

უკრაინაში ომის კომენტირებისას აშშ-ის პრეზიდენტმა დონალდ ტრამპმა განაცხადა, რომ "ადამიანური თვალსაზრისით" მას საშინლად მიიჩნევს. თებერვლის დასაწყისში ტრამპი კვლავაც შეეხო ამ ომში მხარეების კატასტროფულ დანაკარგებს და აღნიშნა, რომ რუსეთმა 800 ან 900 ათასამდე ჯარისკაცი დაკარგა დაღუპულისა და დაჭრილის სახით. ხოლო უკრაინამ - 700 ათასამდე.

ავტორი: ექსპრესნიუსი,

სოციალური ქსელები

ტრამპმა კვლავ გამოთქვა სურვილი შტატ ნიუ-მექსიკოს „ახალი ამერიკა“ დაარქვას

კრემლმა ჩინეთისთვის გაზის ფასდაკლება 56%-მდე გაზარდა

უკრაინამ ვლადიმირში, Yandex-ის ერთ-ერთი უდიდესი მონაცემთა ცენტრის ხუთ შენობაში იერიში მიიტანა

ნატოს ქვეყნები უკრაინაში ჯარების განლაგებასთან დაკავშირებით წვრთნებს ჩაატარებენ