2016-03-08 15:46:20, 670 ნახვა

---

„შენ კენჭს იყრიდი იმ ღამეს მერი“ - ქალთა საერთაშორისო დღესთან დაკავშირებით საპროტესტო აქცია მიმდინარეობს

„ანაზღაურებადი დეკრეტული შვებულება ყველა მშობელს“; „მოგ.....თ კერძო საკუთრება“; „არ გათხოვდე, გათხოვდება ქმრის მსახურებაა“; „ენა მამული ჰომოფობიაა“; „შვებულება პრივილეგია არ არის“ „შენ კენჭს იყრიდი იმ ღამეს მერი“, - ამ ტრანსფარანტებით თბილისის დიდი საკონცერტო დარბაზის ფილარმონიის წინ სამოქალაქო საზოგადოების წარმომადგენლები პროტესტს გამოხატავენ ქვეყანაში არსებულ მძიმე და დისკრიმინაციულ შრომით პირობებთან დაკავშირებით.

როგორც „ექსპრესნიუსთან“ საუბარში ფემინისტების დამოუკიდებელი ჯგუფის“ წევრმა ეკა იმერლიშვილმა აღნიშნა, მათი მიზანია 8 მარტი აღინიშნოს, როგორც ქალთა შრომის უფლებების დღე.

„ჩვენი მიზანია 8 მარტი აღინიშნოს, როგორც ქალთა შრომითი უფლებების აღნიშვნის დღე. ჩვენ ხაზი გვინდა გავუსვათ იმას, რომ ეს არ არის მხოლოდ ყვავილების ჩუქების დღე. ეს დღე უნდა მიეძღვნას ქალთა შრომის უფლებებს“, - აღნიშნა იმერლიშვილმა.

აქციის მონაწილეები პარლამენტის შენობისკენ მსვლელობით მიემართებიან.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი