"მაესტროს" ყოფილი გენერალური დირექტორის ბაია გადაბაძის ინფორმაციით, ტელეკომოპანია "იმედის" გენერალური დირექტორი გიორგი ბახტაძე, პირადად ურეკავს "მაესტროს" თანამშრომლებს და ახალ მენეჯმენტთან შეხვედრას სთავაზობს, - ეს ინფორმაცია ბაია გადაბაძემ საკუთარ Facebook გვერდზე დაწერა.

როგორც ბაია გადაბაძემ "ექსპრესნიუსს" განუცხადა, "იმედის" გენერალური დირექტორი საკმაოდ მაღალ პოზიციაზე მომუშავე თანამშრომლებს დაუკავშირდა.

მისივე თქმით, ის კონკრეტული ჟურნალისტების იდენტიფიცირებას ვერ მოახდენს, თუმცა მას ეს ინფორმაცია ძალიან სარწმუნო წყაროსგან აქვს.

"ის ლევან გაჩეჩილაძესთან შეხვედრის ორგანიზებას სთავაზობს, რაც მისი მხრიდან მინიმუმ არაკოლეგიალური და არა გონივრული არის, რადგან "მაესტროს" საკითხებში ასეთი ჩართვა, როგორც ირაკლი რუხაძე და "იმედის" მენეჯმენტი ერთვება, უბრალოდ არ არის ლამაზი და ამის გაკეთება სხვანაირადაც შეუძლიათ.

ჩვენ ყველას ირაკლი რუხაძის ფაქტორი გამოგვრჩა, რომელიც რატომღაც თავის მეგობრებთან ერთად ვითომ და "მაესტროს“ გადასარჩენად იბრძვის. მე მინდა ვუთხრა ყველას ვინც "იმედის" ბედზე ზრუნავს, რომ "იმედის" ბედზე ზრუნვა გააგრძელონ, იმიტომ რომ "მაესტრო" თავის თავს თვითონ მიხედავს. ვინც კონკურენტ არხზე რაღაცა მანიპულაციებს ახორციელებს უბრალოდ გულის ამრევია და ამას სხანაირად ვერ შევაფასებ", - განაცხადა ბაია გადაბაძემ

კითხვაზე, დაასახელებს თუ არა კონკრეტული ჟურნალისტების გვარებს, ვისაც „იმედის“ დირექტორი დაუკავშირდა, გადაბაძემ განაცხადა, რომ „თუ მოვლენებმა სხვა ხასიათი მიიღო, მას ამ თანამშრომლების სახელებისა და გვარების დასახელება მოუწევს“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის