შს მინისტრმა უწყების თანამშრომელ ქალბატონებს მადლობა გამოუცხადა

2016-03-08 11:08:18, 491 ნახვა

საზოგადოება

შინაგან საქმეთა მინისტრმა გიორგი მღებრიშვილმა თანამშრომელ ქალბატონებს ქალთა საერთაშორისო დღე – 8 მარტი მიულოცა.

მინისტრის სახელით, 91 ქალბატონი სამსახურებრივი მოვალეობის სანიმუშოდ შესრულებისა და მიღწეული წარმატებებისთვის მადლობის სიგელებით დაჯილდოვდა.

შსს-ს ინფორმაციით, მადლობის სიგელები ქალბატონებს მათსავე სამუშაო ოთახებში სხვადასხვა დეპარტამენტების დირექტორებმა პირადად გადასცეს და ქალთა საერთაშორისო დღე მიულოცეს.

„შინაგან საქმეთა სამინისტროს ერთ-ერთი პრიორიტეტი საზოგადოებაში გენდერული თანასწორობის დაცვა და პოლიციაში ქალთა მონაწილეობის გაზრდაა. განხორციელებული და დაგეგმილი რეფორმები ქალ-პოლიციელებს საკუთარი პოტენციალის რეალიზებისთვის კიდევ უფრო მეტ შესაძლებლობას უქმნის“, - აცხადებენ შსს-ში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან