“გამოხატულია საკმაოდ სისუსტე, მაგრამ კრიტიკული სასიცოცხლო ცვლილებები დაწყებული არ არის. მეტყველებს ჩვეულებრივად, ცოტა შენელებულად, ყველანარიად კარგად აზროვნებს. გადაადგილებაც შეუძლია, თუმცა ნელა.” –  ამის შესახებ, კლინიკა „ვივა მედის“ დატოვების შემდეგ, ექიმი გასტროენტეროლოგი გიორგი გვილია, მზია ამაღლობელის ჯანმრთელობის მდგომარეობასთან დაკავშირებით აცხადებს.

“მდგომარეობა დასაფიქრებელია, არ  არის მარტივი, შიმშილობის მერამდენე დღეა, მოგეხსენებატ. როგორც ისტორიას გავეცანი, საავამდყოფოში გადმოყვანამდე კიდევ უფრო მძიმე იყო, აქ გადმოყვანის შემდეგ ნამდვილად ტარდება ყველა საჭირო გამოკვლევა და მკურნალობა, ყურადღებით გავეცანით ისტორიას, პრაქტიკულად ყველაფერი კეთდება იმისთვის, რომ შიმშილობამ არ გამოიწვოს რამე მძიმე შედეგები. დღესდღეობით, ისეთი მძიმე მდგომარეობა, რაც შეიძლება ამდენი დღის შიმშილობის შემდეგ ყოფილიყო, არ არის, ალბათ ჩემი კოლეგების დამსახურებით, მაგრამ მაინც უნდა ითქვას, ამ მდგომარეობას აქვს საზღვარი, რაღაც დროის შემდეგ ორგანიზმში მიდის ისეთი ცვლილებები , რომ ეს გარედან დახმარება, სრულიად ადეკვატურად ხდება, აღარ იქნება საკმარისი. შემდეგ შეიძლება ისეთი ძვრები განვითარდეს, რომ ის ვეღარ დავიჭიროთ. გულში, საჭმლის მომნელებელ ორგანოში, ღვიძლში, აი, ყველა ორგანოში, ყველაფრის უკმარისობა, მწყობრიდან გამოსვლა მოხდეს თანდათანობით. ჩვენ მიგვაჩნია, რომ პაციენტისთვის, მისი სიცოცხლის ინტერესებიდან გამომდინარე,  თუ ის აგრძელებს შიმშილობა, ის უნდა დარჩეს კლინიკაში, რათა გაგრძელდეს ადეკვატური მკურნალობა. თუმცა ადეკვატური მკურნალობის პირობებშიც ვითარდება ისეთი ცვლილებები, რომ მერე თუნდაც მაღალი დონის ჩარევა, ვეღარ იზამს ისე, რომ პაციენტი გადავარჩინოთ.

გამოხატულია საკმაოდ სისუსტე, მაგრამ კრიტიკული სასიცოცხლო ცვლილებები დაწყებული არ არის. მეტყველებს ჩვეულებრივად, ცოტა შენელებულად, ყველანარიად კარგად აზროვნებს. გადაადგილებაც შეუძლია, თუმცა ნელა. ორგანოების უკმარისობა დაწყებული არ არის.

რაც შეეხება გასტროენტოროლოგიურ მდგომარეობას - მანამდე იყო საყაპავის ანთება, თავისი ეროპზიებით, მესამე ხარისხსი, რომელიც საკმაოდ მძიმე დაზიანება, თუმცა მისი მკურნალობა ადეკვატურად მიმდინარეობს, მაგრამ რადგან პაციენტი არ იღებს საკვებს, გამიჭირდება პროგნოზი”, - აცხადებს გასტროენტეროლოგი, გიორგი გვილია.

„ვთვლი, რომ მზია ამაღლობელი დროულად იყო კლინიკაში გადაყვანილი. რაც კეთდება, კეთდება სწორად. რა თქმა უნდა, საჭმელს არაფერს იღებს, ამიტომ მიდის შევსება მიკრო-მაკრო მედიკამენტებით. მადლობა იმისთვის, რომ ამას თვითონ არ აპროტესტებს და ძალიან კარგად ესმის. აბსოლუტურად ადეკვატურია. ლაპარაკობს მშვიდად, წყნარად. ძალიან დიდი ხანი ველაპარაკებოდით და ბოლოსკენ დაიღალა. თვითონ თქვა, რომ იყო უარესად და ახლა უკეთესად არის. პალატაში ვცდილობ სიარულს და დავდივარო. საპატიმრო დაწესებულებაში ამას უფრო ვაქცევდი ყურადღებასო.

ცუდი ამბავი არის ის, რომ აუცილებლად უნდა საპატიმრო დაწესებულებაში დაბრუნება, რაც მიზანშეწონილი არ არის. მე ბოდიში მოვუხადე და ვთხოვე, შიმშილი შეწყვიტოს. არ შეწყვეტს შიმშილს, ეს გასაგებია, მაგრამ თუ შიმშილს არ შეწყვეტს, მაშინ უნდა იყოს კლინიკაში, კონტროლის ქვეშ იმიტომ, რომ ექიმები მოასწრებენ რეაგირებას შეუნარჩუნოთ არამარტო სიცოცხლე, არამედ მომავალში ინვალიდი არ გაგვიხდეს. ამ ეტაპზე ყველაფერი ხდება ადეკვატურად და სწორად.

შიმშილის დროს გულ-სისხლძარღვთა სისტემიდან გამომდინარე როდის, რა დროს რომელი გართულება შეიძლება მოხდეს, არავინ იცის. რადგან საკვებს რეალურად არ იღებს“,- განაცხადა ელენე გიორგაძემ.

შეგახსენებთ, საქართველოს სახალხო დამცველმა ლევან იოსელიანმა მოშიმშილე ჟურნალისტის, მზია ამაღლობელის ჯანმრთელობასთან დაკავშირებით ექიმთა ჯგუფი შექმნა. აღნიშნულის მიხედვით, ექიმთა ჯგუფი მზია ამაღლობელის სამედიცინო დოკუმენტაციას შეისწავლის. ჯგუფი მოამზადებს დასკვნას და რეკომენდაციებს, რომელსაც სახალხო დამცველს წარუდგენენ. შეგახსენებთ, რომ მზია ამაღლობელი 27-ე დღეა შიმშილობს. ის კლინიკა „ვივამედში“ სამედიცინო კვლევების ჩატარების მიზნით სამი დღის წინ გადაიყვანეს.

ავტორი: ექსპრესნიუსი,

სოციალური ქსელები

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა

აზერბაიჯანულმა მხარემ ოცნების რეჟიმს სადიგოვის ექსტრადიციის მოთხოვნის „განუხილავად დატოვება“ შესთავაზა.

ოკუპირებულ დონეცკში კობა ხაბაზს დაუსწრებლად 13 წლით თავისუფლების აღკვეთა მიუსაჯეს