„როგორც პარტია, ჩვენს მომავალს საკმაოდ მშვიდად ვუყურებთ. განვლილი 35 წლის მანძილზე არ გავმქრალვართ და როგორც მინიმუმ, მომავალი 35 წელი ასევე იქნება წარმოდგენილი“, - ამის შესახებ პარლამენტის თავმჯდომარე დავით უსუფაშვილმა ჟურნალისტებთან შეხვედრაზე განაცხადა.

მისივე თქმით, „რესპუბლიკური პარტიის“ მომავალი საქმიანობა დამოკიდებულია პირველ რიგში ამომრჩეველზე და მეორე რიგში პოლიტიკურ პარტნიორებზე:

„ პარლამენტში კი არა, ბევრს უნდა, რომ საქართველოში არ ვიყოთ წარმოდგენილნი საერთოდ. საუბარი იმის თაობაზე, ვინ სად იქნება, სპეკულაციებია და მეტი არაფერი. „რესპუბლიკური პარტია“ პარლამენტში არ შექმნილა, რადგან არიან პარტიები, რომლებიც პარლამენტში შეიქმნენ. „რესპუბლიკური პარტია“ ხელისუფლებაში არ შექმნილა, არიან პარტიები, რომლებიც ხელსიუფლებაში შეიქმნენ.

„რესპუბლიკურ პარტიას“ ოპოზიციური საქმიანობის გაცილებით მდიდარი გამოცდილება აქვს, ვიდრე სახელისუფლებო საქმიანობის. პარტია, როგორც პარტია ჩვენს მომავალს საკმაოდ მშვიდად ვუყურებთ. განვლილი 35 წლის მანძილზე, არ გავმქრალვართ და როგორც მინიმუმ მომავალი 35 წელი ასევე იქნება წარმოდგენილი. ვიცით ის, ქვეყანას როგორ ვემსახუროთ ხელისუფლებაში და როგორ ვემსახუროთ ქვეყანას ოპოზიციაში. საკითხი იმის შესახებ, სად და როგორ ვიქნებით, დამოკიდებულია პირველ რიგში ამომრჩეველზე და მეორე რიგში პოლიტიკურ პარტნიორებზე, რადგან „რესპუბლიკური პარტია“ არ აცხადებს პრეტენზიას, ამბიციას სამომავლო სურვილს იმის თაობაზე, რომ რომელიმე არჩევნებზე 55 პროცენტს მიიღებს და ქვეყანას ჩვენ ვმართავთ. ეს არ იქნება სწორი და არც რეალისტური.

 ვიქნებით თუ არა პარლამენტში, გვექნება თუ არა პარტნიორული ურთიერთობა სხვა პოლიტიკურ ძალებთან წინასაარჩევნოდ თუ მას შემდეგ, ამ კითხვებს პასუხს გასცემს ოქტომბერი და არა უსუფაშვილი“, - განაცხადა დავით უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა

ევროსაბჭოს კომისარმა საქართველოს ხელისუფლებას შემზღუდავი კანონების გაუქმებისკენ მოუწოდა

კალასი: ევროკავშირმა შესაძლოა კვლავ წამოჭრას „ოცნებისა“ და ივანიშვილის წინააღმდეგ სანქციების საკითხი