„ამ მომენტისთვის „სტუდია მაესტრო“ ამ შენობაში კეთილი ნების საფუძველზე ფუნქციონირებს. თუ ეს კეთილი ნება აღარ იქნება, შესაბამისად „მაესტროს“  ამ შენობაში ყოფნა უკანონო იქნება“, - ამის შესახებ ტელეკომპანიის ერთ-ერთი მეწილის მაკა ასათიანის ადვოკატმა გიორგი გვენეტაძემ ჟურნალისტებს განუცხადა.

მისივე თქმით, „მაესტროს“ იჯარა 31 დეკემბერს ამოეწურა და შპს „ემუნივერსიტეტის“ (შენობა, სადაც ტელეკომპანია „მაესტროა“ განთავსებული) მესაკუთრემ დადგენილი წესით 8 დეკემბერს აცნობა, რომ აღარ აპირებდა ვადის გაგრძელებას.

„შპს სტუდია მაესტროს“ იჯარა 31 დეკემბერს ამოეწურა. ამ შენობის მესკუთრემ დადგენილი წესით მიმართა 8 დეკემბერს და აცნობა, რომ აღარ აპირებდა შემდგომ ვადის გაგრძელებას. „სტუდია მაესტრო“ ამ მომენტისთვის კეთილკი ნების საფუძველზე ფუნქციოონირებს ამ შენობაში, თუ ეს კეთილი ნება აღარ იარსებებს  შესაბამისად „მაესტროს“ აქ ყოფნა უკანონო იქნმება“, - განაცხადა გვენეტაძემ.

ასათიანის ადვოკატის თქმით, ახლა მიმდინარეობს საგანგებო განცხადებაზე მუშაობა, რომელსაც მაკა ასათიანი გაავრცელებს.

მისივე თქმით, განცხადებაში მკაფიოდ იქნება ჩამოყალიბებული პოზიციები. რაც შეეხება მოქმედებებს, ის იქნება კანონის ფარგლებში. გვენეტაძის თქმით, ისინი ყველანაირად ხელს შეუწყობენ ახლაადრჩეულ დირექტორს უფლებამოსილებები განახორციელოს, ოღონ არა ამ შენობაში.

„ჩვენ შევეცდებით, რომ ყველანაიარად ხელი შევუწყოთ ახლადარჩეულ დირექტორს, რომ მან უფლებამოსილებები როგორც დირექტორმა განახორციელოს, ოღონდ არა ამ შენობაში. როგორც ვიცი არსებობს სრული მზადყოფნა, რომ ნებისმიერ მისამართზე გამოცხადდეს ნებისმიერი თანამშრომელი, თუნდაც ყოფილი დირექტორი გადაბაძე და დაიწყოს დოკუმენტაციის გადაბარების პროცესი. აქედან გამომდინარე თავიდან უნდა ავირიდოთ ყოველგვარი ესკალაცია. ერთი რამ ნათელია, ბატონი ლევანი ამ შენობაში შეიძლება სტუმრად შემოვიდეს, მაგრამ მის მიერ შპს „სტუდია მაესტროს“ მართვა ამ შენობაში ვერ მოხდება. ჩვენის მხრივ თუ რაიმე მოქმედებებია განსახორციელებელი სანამ დირექტორად ფიქსირდება ჩვენ ამას ყველაფერს გავაკეთებთ დისტანციურაედ, სხვა ადგილას და არა აქ“, - განაცხადა მაკა ასათიანის ადვოკატმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ