საქართველოს  იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრის“ პროექტ „მოხალისე ტრენერები დანაშაულის პრევენციისთვის“ ფარგლებში  პირველი ტრენინგი ჩატარდა.

 „კონფლიქტების მართვისა და მშვიდობის მშენებლობის ახალგაზრდული ცენტრის“ კონფლიქტოლოგმა თეონა გედენიძემ შეხვედრა გლდანის რაიონის საჯარო სკოლების მოსწაველეებისთვის, გლდანის პროფესიული გადამზადების ცენტრში გამართა.

დანაშაულის პრევენციის ცენტრის ინფორმაციით, ტრენინგი კონფლიქტის არსს შეეხებოდა. შეხვედრა ინტერაქციულ ხასიათს ატარებდა და დატვირთული იყო სხვადასხვა ჯგუფური თუ ინდივიდუალური სავარჯიშოებით. მოსწავლეებს შესაძლებლობა ჰქონდათ გაეზიარებინათ თავიანთი მოსაზრებები ზოგადად კონფლიქტისა და მისი გამომწვევი მიზეზების შესახებ. ძირითადი აქცენტი გაკეთდა ოჯახურ, სასკოლო და ქუჩის კონფლიქტზე.

ტრენინგის დასასრულს მონაწილეებმა კონფლიქტის მოგვარების გზები ერთობლივად ჩამოაყალიბეს.

ტრენინგი, რომელშიც 24 მოსწავლე მონაწილეობდა, გლდანის გამგეობის მხარდაჭერით ჩატარდა. როგორც ცნობილია, „მოხალისე ტრენერები დანაშაულის პრევენციისთვის“ სსიპ „დანაშაულის პრევენციის ცენტრის“ ახალი პროექტია, რომლის ფარგლებშიც საქართველოს მასშტაბით იუსტიციის სახლებში, საზოგადოებრივ ცენტრებში, გამგეობებსა და სკოლებში სხვადასხვა თემატიკის ტრენინგები ტარდება. აქტივობების მიზანი არასრულწლოვნებში დანაშაულის ადრეული პრევენციის მიზნით სამოქალაქო და სამართლებრივი ცნობიერების ამაღლება, მოხალისეობრივი კულტურის განვითარება და ჯანსაღი ცხოვრების წესის პოპულარიზაციაა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს

პენტაგონი ჰეგსეთის „ლოცვის“ „Pulp Fiction“-დან რომელიც ბიბლიაში არ არსებობს ახსნა შეეცადა

აშშ-მ რუსულ ნავთობზე დაწესებული სანქციები კიდევ ერთი თვით შეამსუბუქა, მიუხედავად იმისა, რომ თქვა სანქციებს არ შეამსუბუქებდა

ანაპას მახლობლად, შავ ზღვაში ნავთობის დაღვრას „ჩრდილოვან“ ტანკერზე დრონის თავდასხმას უკავშირებენ