რა გაწუხებთ? იანვრის ბოლოდან  ჯანდაცვის სამინისტროსა და საკონსულტაციო ჯგუფ გლობალური ალიანსის მონაწილეობით დაიწყო. მოსახლეობა სპეციალურ კითხვარებს პასუხობს იმის გასარკვევად, თუ როგორია მათი საჭიროებები და პრობლემები ჯანდაცვის სფეროში.  ჯანდაცვის რეგიონულ ცენტრებში გამოკითხვა დასრულდა და 16 ათასზე მეტი  ადამიანი გამოიკითხა. ამჟამად გრძელდება ინტერნეტ გამოკითხვა ვებ-გვერდზე  www.1505.ge. გამოკითხვისას გამოიკვეთა, რომ პირველადი ჯანდაცვა  ერთ-ერთი პრიორიტეტული უნდა გახდეს სამინისტროს საქმიანობაში.

პირველადი ჯანდაცვის რეფორმის წარმატებით განხორციელებაში  საქართველოს ჯანდაცვის სამინისტროს კონსულტირებას საკონსულტაციო ჯგუფი „გლობალური ალიანსი“ უწევს. პირველადი ჯანდაცვა მოიცავს დაავადებათა პროფილაქტიკას, ჯანმრთელობის ხელშეწყობასა და მისი გაუმჯობესებისთვის გამიზნულ ღონისძიებებს; მოსახლეობის განათლებას დაავადების პროფილაქტიკისა და ზოგადად, ჯანმრთელობის შენარჩუნების სფეროში.

პირველადი ჯანდაცვის რგოლის განვითარებასა და უცხოელი ექსპერტების გამოცდილების გაზიარების მნიშვნელობაზე გვესაუბრა ენდოქირურგიის საერთაშორისო ცენტრის დირექტორი ოთარ ჯანელიძე:

„რასაკვირველია, ერთ-ერთი ძალიან მნიშვნელოვანი საკითხია პირველადი ჯანდაცვის განვითარება. მთავარია, კარგად აამუშაონ ეს რგოლი. აზრი არ ექნება ამ რეფორმის განხორციელებას, თუ იგი პრაქტიკულად არ „დაიქოქა“ და ამუშავდა“.

ჯანელიძე ასევე გამოეხმაურა „გლობალური ალიანსის“ ჩართულობას რეფორმის განხორციელებაში:

„საკითხი მეტად მნიშვნელოვანია და ჩვენთვის საჭირო. ქართველი ექსპერტი იქნება ის, თუ უცხოელი და რომელი უკეთ შეასრულებს ამ ამოცანებს, მნიშვნელობა არ აქვს. თუმცა, პოლიკლინიკების მუშაობის გამოცდილება უცხოეთში არ აქვთ, პოლიკლინიკები არსებობდა მხოლოდ საბჭოთა კავშირში“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს

პენტაგონი ჰეგსეთის „ლოცვის“ „Pulp Fiction“-დან რომელიც ბიბლიაში არ არსებობს ახსნა შეეცადა

აშშ-მ რუსულ ნავთობზე დაწესებული სანქციები კიდევ ერთი თვით შეამსუბუქა, მიუხედავად იმისა, რომ თქვა სანქციებს არ შეამსუბუქებდა

ანაპას მახლობლად, შავ ზღვაში ნავთობის დაღვრას „ჩრდილოვან“ ტანკერზე დრონის თავდასხმას უკავშირებენ