ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში, კაია კალასმა, ბრიუსელში გამართულ პრესკონფერენციაზე განაცხადა, რომ საქართველოს დიპლომატიური პასპორტის მფლობელებისთვის უვიზო მიმოსვლის შეჩერების გადაწყვეტილება ევროკავშირის წევრმა ქვეყნებმა მიიღეს. მისი თქმით, ახლა ეს გადაწყვეტილება შიდა წესებში თავად უნდა დანერგონ.  

კალასმა ასევე აღნიშნა, რომ ევროკავშირი ყურადღებით აკვირდება საქართველოში განვითარებულ მოვლენებს და განიხილავს დამატებით ნაბიჯებს საქართველოს მთავრობასთან სიგნალების გასაგზავნად, რათა ხაზგასმით აღინიშნოს, რომ ეს არ არის სწორი მიმართულება ევროპული კურსის კუთხით.  

„რა თქმა უნდა, ჩვენ საქართველოში განვითარებულ მოვლენებს ყურადღებით ვაკვირდებით და ამას დიდი შეშფოთებით ვუყურებთ. ამის შესახებ დღეს ვიმსჯელეთ, თუ კიდევ რა შეგვიძლია გავაკეთოთ, რომ საქართველოს მთავრობას გავუგზავნოთ სიგნალები, რომ ეს ევროპული კურსის კუთხით სწორი მიმართულება არ არის და არის რაღაცები, რაც შეგვიძლია კიდევ განვიხილოთ. რაც შეეხება (დიპლომატებისთვის) ვიზალიბერალიზაციის შეჩერებას, ეს გადაწყვეტილება წევრმა ქვეყნებმა დღეს მიიღეს და ახლა შიდა წესებში ეს წევრებმა თავად უნდა დანერგონ. ამ კუთხით ევროპა ასე მუშაობს“, - განაცხადა კაია კალასმა.

შეგახსენებთ, რომ 16 დეკემბერს ევროკავშირის საგარეო საქმეთა მინისტრებმა მიიღეს გადაწყვეტილება საქართველოს დიპლომატიური პასპორტის მფლობელებისთვის უვიზო მიმოსვლის შეჩერების შესახებ.  

ავტორი: ექსპრესნიუსი,

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის