საბერძნეთის პარლამენტმა პრეზიდენტის არჩევა პირველ ტურში ვერ შეძლო, – ამის შესახებ „როიტერი“ წერს.

პირველ ტურში პარტიების მიერ წარმოდგენილი კანდიდატის ასარჩევად საჭირო იყო 200 დეპუტატის ხმა, თუმცა 300-ადგილიან პარლამენტში საჭირო ხმა ვერცერთმა კანდიდატმა ვერ მოაგროვა.

როგორც „როიტერი“ წერს, არჩევნების მეორე ტური 31 იანვარს გაიმართება, თუმცა მოსალოდნელია, რომ ისიც ამავე შედეგით დასრულდეს.

საარჩევნო პროცესში საჭირო ხმების რაოდენობა ყოველი ტურის დროს შემცირდება. კერძოდ, მეორე ტურში საკმარისი იქნება 180 ხმა, ხოლო მესამე ტურში – 151 ხმა.

იმ შემთხვევაში თუ პრეზიდენტის არჩევა მესამე ტურშიც ვერ მოხერხდა, ბოლო კენჭისყრაზე მას ფარდობითი უმრავლესობით აირჩევენ.

საბერძნეთის პრემიერ-მინისტრმა, კირიაკოს მიცოტაკისმა პრეზიდენტის თანამდებობაზე თავისი პარტიის წარმომადგენელი, კონსტანტინე ტასულასი წარადგინა. „ახალ დემოკრატებს“, პარლამენტში 156 ადგილი აქვთ.

ავტორი: ექსპრესნიუსი,

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის