პეტრიაშვილის დაკითხვა დასრულდა - თავდამსხმელების ვინაობა კვლავ უცნობია

2016-03-05 20:40:01, 765 ნახვა

სამართალი

ალექსი პეტრიაშვილის დაკითხვა, რომელიც საავადმყოფოში 4 საათის განმავლობაში მიმდინარეობდა, დასრულდა.

დაკითხვის შემდეგ ადვოკატმა ლევან სამუშაიმ ჟურნალისტებთან კომენტარი გააკეთა და განაცხადა, რომ ალექსი პეტრიაშვილმა გამომძიებელს თავდასხმის შესახებ დეტალური ინფორმაცია მიაწოდა.

"ალექსი პეტრიაშვილმა აღიდგინა თავდასხმის დეტალები. თავდამსხმელებს ჰქონდა ჩაქუჩი და ე.წ. ბეისბოლის ბიტები, რომლითაც ისინი თავის არეში, წელზე და ტანზე ურტყამდნენ, ასევე მუცლის არეში აქვს შემავალი ჭრილობა. თავდამსხმელს, სავარაუდოდ, ჰქონდა მაყუჩიანი იარაღი, რადგან გასროლის ხმა დაბალი იყო. ახლა ჯერი გამოძიებაზეა. ალექსი პეტრიაშვილისთვის უცნობია იმ პირების ვინაობა, რომლებიც თავს დაესხნენ. უმოწყალოდ სცემეს, შეიძლება ითქვას, რომ მჭიდი დააცალეს, მერე ჩაქუჩით ურტყეს თავში და გონს რომ კარგავდა, მაშინ იკივლა ქალმა," - განაცხადა ლევან სამუშაიამ.

ცნობისთვის, 26 თებერვალს, თბილისში, საბურთალოს რაიონში, უცნობმა პირებმა ალექსი პერტიაშვილს ფიზიკური შეურაცხყოფა მიაყენეს და ცეცხლსასროლი იარაღიდან გასროლით ორივე ქვედა კიდური დაუზიანეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან