სავარაუდოდ წელს კიდევ რამდენიმე სამარხი გაიხსნება, საიდანაც 150-დან 300-მდე ნეშტის გადმოსვენება უნდა მოხერხდეს, - ამის შესახებ ოკუპირებული ტერიტორიებიდან იძულებით გადაადგილებულ პირთა, ლტოლვილთა და განსახლების მინისტრმა სოზარ სუბარმა ჟურნალისტებს განუცხადა.

მინისტრმა გარდაცვლილი მებრძოლების გადმოსვენების მნიშვნელობაზე ისაუბრა და აღნიშნა, რომ უახლოეს მომავალში კიდევ 12 ნეშტის იდენტიფიცირება იგეგმება.

"ოჯახის წევრებს არ შეეძლოთ, მისულიყვნენ და პატივი მიეგოთ მათი სულებისთვის. დღეიდან ჩვენ გვეცოდინება, სად არიან ისინი დამარხულები. ეს რა თქმა უნდა ჩვენთვის და განსაკუთრებით ოჯახის წევრებისთვის ძალიან მნიშვნელოვანია. უახლოეს მომავალში ველოდებით კიდევ 12 ნეშტის იდენთიფიცირებას, რის შემდეგადაც კიდევ 20 მდე ნეშტს ჩაუტარდება სამხარეულის ექსპერტიზა. სავარაუდოდ წელს კიდევ რამდენიმე სამარხი გაიხსნება, საიდანაც 150-დან 300-მდე ნეშტის გადმოსვენება უნდა მოხერხდეს", - განაცხადა სუბარმა.

მისივე თქმით, მებრძოლების გადმოსვენებაში უდიდესი წვლილი წითელ ჯვარს მიუძღვის.

ცნობისთვის, აფხაზეთის ომის დროს ბაბუშერას აეროპორტში თვითმფრინავის აფეთქებისას დაღუპული  10 მებრძოლის ნეშტს  დიღმის ძმათა სასაფლაოზე  დღეს სამხედრო პატივით დაკრძალავენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს

პენტაგონი ჰეგსეთის „ლოცვის“ „Pulp Fiction“-დან რომელიც ბიბლიაში არ არსებობს ახსნა შეეცადა

აშშ-მ რუსულ ნავთობზე დაწესებული სანქციები კიდევ ერთი თვით შეამსუბუქა, მიუხედავად იმისა, რომ თქვა სანქციებს არ შეამსუბუქებდა

ანაპას მახლობლად, შავ ზღვაში ნავთობის დაღვრას „ჩრდილოვან“ ტანკერზე დრონის თავდასხმას უკავშირებენ