საქართველოს თავდაცვის მინისტრი თინათინ ხიდაშელი თავდაცვის სამინისტროში და გენერალურ შტაბში მიმდინარე რეფორმებთან დაკავშირებით სახმელეთო ძალების წარმომადგენლებს შეხვდა. შეხვედრის თემას უშიშროების საბჭოზე წარმოდგენილი და საქართელოს პრეზიდენტის მიერ განსაზღვრული რეფორმა შეიარაღებული ძალების სახმელეთო ჯარებში აღმოსავლეთ და დასავლეთ სარდლობების ჩამოყალიბება წარმოადგენდა. თავდაცვის მინისტრმა მიმდინარე რეფორმის მნიშვნელობაზე შეიარაღებული ძალების გენერალური შტაბის უფროსის მოადგილეებთან: პოლკოვნიკ ომარ ბეგოიძესთან და პოლკოვნიკ ნიკოლოზ აგლაძესთან ერთად ისაუბრა.
„პრეზიდენტის აქტით აღმოსავლეთ და დასავლეთის სარდლობების შექმნა განისაზღვრა და დაევალა უკვე თავდაცვის მინისტრს ერთი თვის განმავლობაში ყველა შესაბამისი აქტის გამოცემა. აქტების გამოცემამდე და საბოლოო გადაწყვეტილების მიღებამდე შეხვედრები გაიმართება პირად შემადგენლობასთან. დღეს იყო აღმოსავლეთ სარდლობასთან შეხვედრა. კვირას მივემგზავრებით ქუთაისში იმისათვის, რომ დასავლეთ სარდლობას შევხვდეთ და მათ ვესაუბროთ იგივე საკითხებზე. მათთან ერთად გავიაროთ ყველა თემა და ამ ერთობლივი კონსულტაციების რეჟიმში მივიღოთ საბოლოო გადაწყვეტილება. ამოცანა არის, რომ სარდლობები იყოს მაქსიმალურად მობილური და საბრძოლო კომპონენტის შემადგენელი ნაწილი, ნაკლებად ბიუროკრატიული და ფუნქციები მკაცრად იყოს განსაზღვრული, პასუხისმგებლობებზე მიბმული. ეს არის ყველაზე მთავარი თემა რომელიც ამ წუთას არის ჯარში. არის განყოფილებები, დეპარტამენტები, სამმართველოები, რომლებიც ფუნქციონირებს, სადაც ადამიანები მართლა მუშაობენ, ოღონდ არანაირი პასუხისმგებლობები ამასთან მიბმული არ არის და ეს ბუნებრივად იწვევს ერთგვარ ქაოსს. სწორედ, ამ ქაოსის დალაგებას ემსახურება ამ სარდლობების ჩამოყალიბება და გენშტაბსა და ბრიგადების ანუ ქვედა დონეს შორის ბალანსის შექმნა“ - განაცხადა თავდაცვის მინისტრმა თინათინ ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შეერთებულმა შტატებმა საერთაშორისო სისხლის სამართლის სასამართლოს პრეზიდენტის წინააღმდეგ სანქციები დააწესა

ტრამპმა ირანთან მოლაპარაკებების დასრულებისა და ქვეყნის „დახრჩობის“ ბრძანება გასცა

უკრაინულმა დრონებმა წელს მეორედ შეუტიეს რუსეთის ერთ-ერთ უდიდეს ასაფეთქებელი ნივთიერებების ქარხანას.

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა