ახალი ამბების სააგენტო „ექსპრესნიუსის“ დამფუძნებელი და მთავარი რედაქტორი ირაკლი მანაგაძე გახდა პარტია „ქართული ოცნების" სტრატეგიული კომუნიკაციების სამსახურის უფროსის გიორგი გრძელიშვილის შეურაცხყოფის და მუქარის ადრესატი.

„ქართული ოცნების“ სტატეგმა პიარის უფროსმა „ექსპრესნიუსის“ მთავარ რედაქტორს უთხრა, რომ მისი ამოცანაა პირადად ირაკლი მანაგაძის ამოძირკვა. ასევე დააყოლა, რომ ექსპრესნიუსთან ერთად ნაცების ამოძირკვა. „ექსპრესნიუსის“ მთავარმა რედაქტორმა გიორგი გრძელიშვილს, შეახსენა, რომ სანდრო გირგვლიანის საქმის გამომძიებელი ჟურნალისტი იყო და „ნაციონალური მოძრაობის“ ხელისუფლების მაღალჩინოსან ძალოვნებს მელნიკოვს და სანოძეს ჩადენილი დანაშაული დაუმტკიცა. აქედან გამომდინარე მისთვის კატეგორიულად მიუღებელი იყო რომელიმე პარტიასთან „ექსპრესნიუსის“ აფელირება.

ამის შემდეგ „ოცნების“ პიარის უფროსმა, უზრდელი უწოდა და შეაგინა.

„ექსპრესნიუსისთვის“ არსებობის 16 წლის მანძილზე მასზე თავდასხმა ახალი არაა, თუმცა გიორგი გრძელიშვილის მუქარას ამოძირკვასთან დაკავშირებით სერიოზულ საფრთხედ აღვიქვამთ, რადგან ჩვენი ინფორმაციით აღნიშნული პიროვნება დიდი გავლენით სარგებლობს ძალოვან უწყებებში. გრძელიშვილი 2013-2014 წელს  ფინანსთა სამინისტროს საგამოძიებო სამსახურის პრესსამსახურის უფროსი იყო. 2018-2020 წლებში იყო საქართველოს გენერალური პროკურორის თანაშემწე. მოიხსენიება როგორც ყოფილი გენერალური პროკურორის ლაშა ნაცვლიშვილი კადრი2021 წლის აპრილში დაინიშნა პარტია „ქართული ოცნების“  სტრატეგიული კომუნიკაციების სამსახურის უფროსის თანამდებობაზე.

გრძელიშვილი ხელმძღვანელობს პარტიის პროპაგანდისტული მედიის მუშაობას, მათ შორის ტელეკომპანიების „იმედის“ და „რუსთავი2-ს“ დაქვემდებური ჰყავს რამდენიმე ახალი ამბების სააგენტო და ონლაინ გამოცემა.

„ექსპრესნიუსი“ მოუწოდებს „ქართული ოცნების“ პოლიტსაბჭოს შეაკავოს მისი თანამშრომელი ჟურნალისტებთან მუქარების განხორციელებისგან. ასევე პრევენციას ატარებს, სააგენტოს გამართულ მუშაობაში ხელისშეშლის მცდელობისგან როგორც გრძელიშვილის ასევე, სხვა პირების ჩართულობის შემთხვევაში.

საჭიროების შემთხვევაში მედია ორგანიზაციებს, უფლებადაცვით ორგანიზაციებს და საერთაშორისო საზოგადოებას, მედიის და „ექსპრესნიუსის“ დაცვისკენ მოუწოდებს.

#თავისუფლებამზიას

ავტორი: ექსპრესნიუსი,

სოციალური ქსელები

მეუფე ილარიონის თქმით, სინოდზე ასაკის ცენზზე შეთანხმებას ვერ მიაღწიეს, განათლებაზე არ უმსჯელიათ

წყნეთში, სკვერში დენის დარტყმის შედეგად გარდაცვლილი მოზარდის ოჯახი მომხდარზე პასუხისმგებლობას კალაძეს აკისრებს

მედვედევი: დროა, შევწყვიტოთ ტოლერანტული დამოკიდებულება მეზობლების EU-ში გაწევრიანების მიმართ

პაპუაშვილი მოლდოვის ყოფილ პრეზიდენტ დოდონს და პრორუს დეპუტატებს შეხვდა