საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრ სოზარ სუბარის განცხადებით, მთავრობის ერთიანი და გუნდური პოზიცია უაღრესად მნიშვნელოვანია.

როგორც სუბარმა მთავრობის სხდომის დასრულების შემდეგ ჟურნალისტებს განუცხადა, მართალია,  თითოეული მინისტრი საკუთარ უწყებას ხელმძღვანელობს, თუმცა გადაწყვეტილებების მიღება გუნდურად ხდება.

„პირველ რიგში პრემიერმა თქვა ძალიან მნიშვნელოვანი რამ, რომ უაღრესად მნიშვნელოვანია მთავრობის ერთიანი და გუნდური პოზიცია, იმიტომ, რომ მთავრობა ეს არის ერთიანი გუნდი, მართალია, თითოეული მინისტრი თავის უწყებას ხელმძღვანელობს, მაგრამ გადაწყვეტილებების მიღება ხდება გუნდურად, ხდება მთავრობაზე, ძალიან მნიშვნელოვანია, რომ თითოეული ჩვენთაგანი იყოს ინფორმირებული დეტალურად იმაში, თუ რა ხდება სხვა სამინისტროებში და გუნდურად ვიღებდეთ პასუხისმგებლობას ქვეყნის და ხალხის წინაშე, პარლამენტი არის ერთიანი ორგანო, რომელიც ირჩევს ამ მთავრობის გუნდს, ჩვენ ყველანი ვართ პასუხისმგებელი ერთმანეთის, ყველა სამინისტროში მიღებულ გადაწყვეტილებებზე და ეს იყო ძალიან მნიშვნელოვანი”, - განაცხადა სოზარ სუბარმა.
რაც შეეხება იმას, თუ როგორ გავა კოალიცია არჩევნებზე, სუბარის თქმით,  როგორც პრემიერმა აღნიშნა, არჩევნებზე გასვლა კოალიციურ ფორმატში მოხდება:

„მაგრამ თუ მოხდა რამე ცვლილება, ესეც ჩვეულებრივი ამბავია და ამის წინაც გავაკეთეთ ნახევრად ხუმრობით განცხადება,  გაცილებით მნიშვნელოვანი კოალიციები დაშლილა და ერთა ლიგა დაიშალა ბოლოს და ბოლოს”, - განმარტა სოზარ სუბარმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ესტონეთი ევროკავშირს „ქართული რეჟიმის“ წინააღმდეგ პერსონალური სანქციების დაწესებისკენ მოუწოდებს

სარჯველაძე : რა ვადაში იქნება ნაპოვნი კონკრეტული პასუხი - ჩემთვის მითუმეტეს შეუძლებელია იმის ფონზე, რომ ამას ვერ ამბობს ინგლისის ხელისუფლება, ვერ ამბობს EMA

პირთა ჯგუფი ჯარში გაწვევის თავიდან ასარიდებლად, ყალბ ჯანმრთელობის ცნობებს ამზადებდა და 30 წვევამდელიდან ასი ათას ლარზე მეტი აიღო

ერთ წელიწადში საქართველოში 1560 ბავშვზე იძალადეს, მათ შორის 170-ზე სექსუალურად