პარლამენტთან რკინის ღობის დაზიანებაზე დაკავებული ახალგაზრდების სასამართლო გადაიდო

2025-01-13 13:45:14, 496 ნახვა

სამართალი

პარლამენტთან აღმართული რკინის ღობის დაზიანებაზე დაკავებულების სასამართლო პროცესი დღესაც გადაიდო. სხდომა 20 იანვრისთვის ჩაინიშნა.

მხარეებს საპროცესო შეთანხმებაზე მსჯელობისთვის დრო მიეცათ.

შეგახსენებთ, რომ აქციაზე 400-ლარიანი ჯებირის დაზიანებისთვის დაკავებულ ომარ ოკრიბელაშვილსა და საბა მეფარიშვილს ბრალი სისხლის სამართლის კოდექსის 187-ე მუხლის მე-2 ნაწილის "გ" ქვეპუნქტით აქვთ წარდგენილი, რაც ჯგუფურად ნივთის დაზიანებას გულისხმობს და 3-დან 6 წლამდე პატიმრობას ითვალისწინებს. 19 და 23 წლის ახალგაზრდები სამართალდამცავებმა 14 მაისს, ე.წ რუსული კანონის საწინააღმდეგო საპროტესტო აქციების დროს დააკავეს.

აღსანიშნავია, რკინის ღობის "ზარალი" ჯერ კიდევ ივლისშია ანაზღაურებული.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,