“ჩვენ გავცვალეთ აზრები, დავაფიქსირეთ ჩვენი პოზიციები და ვაგრძელებთ მუშაობას მჭიდრო  სტრატეგიული თანამშრომლობის რეჟიმში“, - ამის შესახებ „რესპუბლიკური პარტიის“ თავმჯდომარე ხათუნა სამნიძემ პარტიის წევრებსა და პრემიერის შეხვედრის დასრულების შემდეგ ჟურნალისტებს განუცხადა.

მისივე თქმით, შეხვედრაზე “რესპუბლიკელებსა“ და „ქართულ ოცნებას“ შორის ორ პარტიულ შეთანხმებასთან  დაკავშირებით  ისაუბრეს,  რომლის  დეტალებიც მალე გახდება ცნობილი:

„ამ მონკრეტულ შეხვედრაზე, სადაც პრემიერ-მინისტრს, „ქართული ოცნების“ მომავალი თავმჯდომარეს შევხვდით, საუბარი იყო იმ საკითხებზე, რა საკითხებთან დაკავშირებითაც დღეს შეკითხვები გაჩნდა. ჩვენ გავცვალეთ აზრები, დავაფიქსირეთ ჩვენი პოზიციები და ვაგრძელებთ მუშაობას მჭიდრო  სტრატეგიული თანამშრომლობის რეჟიმში. დღეს დავიწყეთ საუბარი ორ პარტიულ შეთანხმებასთან  დაკავშირებით და ძალიან მალე ამ შეთანხმების დეტალებზეც გახდება ცნობილი. ჩვენ დღეს ვართ კოალიციური პარტნიორები. დღეს კი სამომავლო შეთანხმებაზე ვისაუბრეთ, რაც გულისხმობს სამომავლოდ ყველა ტიპის საკითხზე წინასწარ შეთანხმებას”, - განაცხადა ხათუნა სამნიძემ.

ცნობისთვის, შეხვედრა საქართველოს პრემიერ-მინისტრ გიორგი კვირიკაშვილის მიერ დღეს გავრცელებული საგანგებო განცხადების შემდეგ, თავდაცვის მინისტრისა და მისი თანაპარტიელების თხოვნით შედგა.

პრემიერ-მინისტრი კოალიციაში, "რესპუბლიკელებსა" და "მრეწველებს" შორის არსებულ დაპირისპირებას სპეციალური განცხადებით დღეს კიდევ ერთხელ გამოეხმაურა და მხარეებს მოუწოდა სადავო საკითხები კოალიციის შიგნით განიხილონ, წინააღმდეგ შემთხვევაში კი, როგორც პრემიერ-მინისტრი და კოალიციის ლიდერი ცვლილებებს განახორციელებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე : რა ვადაში იქნება ნაპოვნი კონკრეტული პასუხი - ჩემთვის მითუმეტეს შეუძლებელია იმის ფონზე, რომ ამას ვერ ამბობს ინგლისის ხელისუფლება, ვერ ამბობს EMA

პირთა ჯგუფი ჯარში გაწვევის თავიდან ასარიდებლად, ყალბ ჯანმრთელობის ცნობებს ამზადებდა და 30 წვევამდელიდან ასი ათას ლარზე მეტი აიღო

ერთ წელიწადში საქართველოში 1560 ბავშვზე იძალადეს, მათ შორის 170-ზე სექსუალურად

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა