|
2025-01-04 13:37:13, 457 ნახვა
საზოგადოება
"ვისოლმა" ანდრო ჭიჭინაძის კადრი სარეკლამო რგოლიდან ამოჭრა
კომპანია "ვისოლმა" სარეკლამო რგოლიდან ანდრო ჭიჭინაძის კადრი ამოჭრა. ძველისგან განსხვავებით, რეკლამის ახალ სატელევიზიო ვერსიაში მსახიობის მხოლოდ ხელის მტევანი ჩანს. როგორც "ფორმულას" მიერ გავცრელებულ ინფორმაციაშია აღნიშნული, ტელეკომპანიის წარმომადგენლები "ვისოლ" ჯგუფის საზოგადოებასთან ურთიერთობისა და კორპორაციული პასუხისმგებლობის მენეჯერს დაუკავშირდნენ, თუმცა მათგან პასუხს ამ დრომდე ელიან. შეგახსენებთ, რომ შინაგან საქმეთა სამინისტროს თანამშრომლებმა მსახიობი ანდრო ჭიჭინაძე 5 დეკემბერს დააკავეს. თავდაპირველად, ანდრო ჭიჭინაძის საცხოვრებელ სახლში ჩხრეკა ჩატარდა, რის შემდეგაც სამართალდამცველებმა ის საკუთარი სახლიდან აიყვანეს. 4 დეკემბერს, რუსთაველის გამზირზე მიმდინარე პროევროპულ აქციაზე მყოფი ანდრო ჭიჭინაძე საქართველოს ევროპულ მომავალთან დაკავშირებით ონლაინ მედიებთან საუბრობდა, 4 დეკემბერსვე მან სოციალურ ქსელში გამოაქვეყნა პოსტი „გავიფიცე“. 28 წლის ანდრო ჭიჭინაძე ვასო აბაშიძის სახელობის ახალი თეატრის მსახიობია. მას შესრულებული აქვს არაერთი კინოროლიც, მათ შორის, ფილმებში „შინდისი“, „და მერე გათენდა“, „იუნკერები“, „სოხუმი“.
|
რედაქტორის რჩევით
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ივანიშვილთან ერთად ვინ აფინანსებს ტელეიმედს და ვის ემუქრება მეორადი სანქციები
ომი უკრაინაში
არა მხოლოდ აღდგომისთვის: უკრაინამ რუსეთს შესთავაზა ცეცხლის შეწყვეტის შეთანხმების გახანგრძლივება
უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ექსპრესნიუსი,



epn.ge (@expressnews.ge)