ტყიბულში გათავისუფლებული მეშახტეების მხარდასაჭერი აქცია გაიმართა

2025-01-03 17:44:34, 404 ნახვა

საზოგადოება

ტყიბულში, მერიის წინ, სამსახურიდან გათავისუფლებული მეშახტეების სოლიდარობის აქცია გაიმართა.

აქციის მონაწილეების თქმით, წინასაახალწლო პერიოდში 40-მდე მეშახტე სამსახურიდან პოლიტიკური ნიშნით გაათავისუფლეს.

სამსახურიდან გათავისუფლებული მეშახტეები აცხადებენ, რომ „საქნახშირის“ გადაწყვეტილებას სასამართლოში გაასაჩივრებენ.

„ჩემი გათავისუფლება პირდაპირ უკავშირდება ჩემს პოლიტიკურ შეხედულებას და ამის საფუძველზე მოხდა ჩემი და ჩემი ოჯახის კიდევ ორი წევრის გათავისუფლება. ვწერდი სოციალურ ქსელში მთავრობის საწინააღმდეგო პოსტებს, აგრეთვე ვწერდი კომენტარებს. ბევრი გაფრთხილება მივიღე“, - აცხადებს აქციაზე მყოფი ერთ-ერთი მეშახტე.

ტყიბულში სოლიდარობის აქციაზე ასევე იმყოფებოდნენ კულტურის სფეროს წარმომადგენლები, რომლებიც დედაქალაქიდან მათ მხარდასაჭერად ჩავიდნენ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,