არსებული ვერსიით, ავიალაინერს Embraer E190AR გროზნოს თავზე, რუსმა მეზენიტეებმა Pantsir-s1-ის ტიპის საზენიტო სისტემის რაკეტა გაარტყეს

2024-12-25 23:45:48, 1865 ნახვა

სხვადასხვა

დაუდასტურებელი ინფორმაციით, ავიალაინერს გროზნოს თავზე, რუსმა მეზენიტეებმა Pantsir-s1-ის ტიპის საზენიტო სისტემის რაკეტა გაარტყეს, რადგან პარალელურად უკრაინელების მიერ დრონებით შეტევა მიმდინარეობდა გროზნოში და მეზემიტეებმა ვერ გაარჩიეს სამოქალაქო თვითმფრინავი,

შემდეგ, თავდასხმის საფრთხის გამო დაზიანებული ბორტი არც მახაჭკალის(დაღესტანი) აეროპორტში მიიღეს და გეზი აიღო ყაზახეთის ქ.აქტაუს მიმართულებით, სადაც თვითმფრინავი ჩამოვარდა.

ავაციის ექსპერტები ამბობენ რომ ჰაერსაწინააღმდეგო დაცვამ გროზნოს თავზე დააზიანა თვითმფრინავი (ნამსხვრევების კვალი აშკარად ატყვია კორპუსს), რომელიც ქ. მახაჩკალასკენ წავიდა. მიხვდნენ რა შეცდომას, უფლება არ მისცეს რუსეთში დამჯდარიყო და პილოტები იძულებულები გახდნენ ყველაზე ახლო აეროპორტისკენ, კერძოდ ყაზახეთის ქ. აქტაუსკენ გაფრენილიყვნენ
ასევე ცნობილი გახდა რომ დაჯდომის მცდელობის წინ პილოტები ცლიდნენ საწვავის ავზს (წრეებს აკეთებდნენ), მართვის დაზიანებულმა სისტემამ საბოლოოდ აურია და თვითმფრინავი შეასკდა მიწას, თუმცა პილოტების მაღალი კლასის გამო 67 ადამიანიდან 32 გადარჩა, აქედან 11 მძიმე მდგომარეობაშია. პილოტები დაიღუპნენ.

აზერბაიჯანის ავიახაზების (AZAL) Embraer E190AR 25 დეკემბერს დილით, დასავლეთ ყაზახეთში, ქალაქ აქტაუში ჩამოვარდა. თვითმფრინავი ბაქოდან გროზნოში მიფრინავდა.

ავიაკატასტროფას 38 ადამიანი ემსხვერპლა, მათ შორის შვიდი რუსი რუსეთის კიდევ ცხრა მოქალაქე გადარჩა ავარიას. 29 ადამიანი, მათ შორის ეკიპაჟის ხუთი წევრიდან სამი, გადაიყვანეს საავადმყოფოებში.

ავარიის ადგილზე შავი ყუთი იპოვეს . ის გამომძიებლებს გადასცეს, განაცხადა ყაზახეთის მთავარმა სატრანსპორტო პროკურორმა ტიმურ სულეიმანოვმა ბრიფინგზე. სტიქიის შემსწავლელ კომისიას ყაზახეთის ვიცე-პრემიერი კანატ ბოზუმბაევი ხელმძღვანელობდა.

თვითმფრინავის ჩამოვარდნის მიზეზი ოფიციალურად ჯერ არ არის გამოცხადებული. Aktau-ში ჩამოვარდნილი Embraer-ის კანზე ჩანს კვალი რაც მსგავსია რაკეტის დამაზიანებელი ელემენტების დაზიანებისგან. სად შეიძლებოდა მომხდარიყო თავდასხმა თვითმფრინავზე, წაიკითხეთ ჩვენს ანალიზში

აზერბაიჯანის ავიახაზებმა შეაჩერა ფრენები ბაქოდან გროზნოსა და მახაჩკალაში თვითმფრინავის ჩამოვარდნის გამოძიების დასრულებამდე.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,