2016-03-01 22:36:26, 482 ნახვა
პოლიტიკა
ხიდაშელი "მრეწველებთან" დაპირისპირებაზე: როგორ შეიძლება, ამის უკან იდგეს ბიძინა ივანიშვილი
''როგორ შეიძლება, ამის უკან იდგეს ბიძინა ივანიშვილი'' - ამის შესახებ საქართველოს თავდაცვის მინისტრმა, თინა ხიდაშელმა განაცახადა და უარყო ის მოსაზრება, რომ გოგი თოფაძის უკან ბიძინა ივანიშვილი დგას.
მისი თქმით, ამ კამპანიის უკან გარე ძალები დგანან და ეს ძალები არა კოალიციაში, არამედ მეზობელ ქვეყანაში არიან.
''ეს არის კოალიციის საწინააღმდეგო ქმედება. ეს გიორგი კვირიკაშვილის მთავრობის, ბიძინა ივანიშვილის მიერ შექმნილი კოალიციის წინააღმდეგ მიმართულია და როგორ შეიძლება, ამის უკან იდგეს ბიძინა ივანიშვილი. დიახ, ეს არის კამპანიური მოქმედება. დიახ, ამის უკან დგანან ძალები. ოღონდ, ეს ძალები კოალიციაში არ უნდა ვეძებოთ. ეს ძალები ჩვენს მეზობელ ქვეყანაში უნდა ვეძებოთ,'' - განაცხადა თინა ხიდაშელმა ''არჩევანის'' პირდაპირ ეთერში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
