შსს: ადამიანის უფლებების შელახვის ნებისმიერ ფაქტზე პოლიცია დაუყოვნებლივ მკაცრ ზომებს მიიღებს

2016-03-01 16:26:32, 636 ნახვა

სამართალი

შინაგან საქმეთა სამინისტრო ადიგენში განვითარებულ მოვლენებთან დაკავშირებით განცხადებას ავრცელებს. როგორც უწყებაში აღნიშნავენ, ადიგენში მომხდარ კონფლიქტთან დაკავშირებით სამართალდამცველთა მხრიდან მყისიერი და ადეკვატური რეაგირების შედეგად, ვითარება დროულად განიმუხტა.

" სამცხე-ჯავახეთის პოლიციის დეპარტამენტი სიტუაციას სრულად აკონტროლებს. გამოძიება საქართველოს სისხლის სამართლის კოდექსის 156-ე მუხლის პირველი ნაწილით (ადამიანის დევნა სიტყვის, აზრის, სინდისის, აღმსარებლობის, რწმენის ან მრწამსის გამო) მიმდინარეობს",-აცხადებენ შსს-ში.

შინაგან საქმეთა სამინისტრო მოუწოდებს მხარეებს, თავი შეიკავონ პროვოკაციისა და ძალადობრივი დაპირისპირებისგან, ვინაიდან ადამიანის უფლებების შელახვის ნებისმიერ ფაქტზე პოლიცია დაუყოვნებლივ კანონით გათვალისწინებულ მკაცრ ზომებს მიიღებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან