მასწავლებელი, რომელსაც მოსწავლეების მიმართ გარყვნილ ქმედებაში ადანაშაულებდნენ, დაკავებულია

2016-03-01 13:13:18, 779 ნახვა

სამართალი

იმერეთის ერთ-ერთი სკოლის პედაგოგი რომელსაც მოსწავლეების მიმართ გარყვნილ ქმედებაში ადანაშაულებდნენ დაკავებულია.

შინაგან საქმეთა სამინისტროს იმერეთის რაჭა-ლეჩხუმისა და ქვემო სვანეთის პოლიციის დეპარტამენტის თანამშრომლებმა, ჩატარებული სპეციალური ოპერატიული ღონისძიების შედეგად, 1962 წელს დაბადებული გ. კ. არასრულწლოვნების მიმართ ჩადენილი გარყვნილი ქმედების ბრალდებით დააკავეს.

უწყების ინფორმაციით, გამოძიებამ დაადგინა, რომ ბრალდებულმა იმერეთის ერთ-ერთ სოფელში სამი მოზარდის მიმართ გარყვნილი ქმედება ჩაიდინა.

მათივე ცნობიტ, სამართალდამცველებმა ბრალდებული მიმდინარე წლის 27 თებერვალს თბილისში დააკავეს.

გამოძიება გარყვნილი ქმედების ფაქტზე, საქართველოს სსკ-ს 141-ე მუხლით მიმდინარეობს.

შეგახსენებთ, ფიზკულტურის 54 წლის პედაგოგს 6, 12 და 14 წლის ბავშვების მიმართ გარყვნილ ქმედებაში ედება ბრალი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან