თბილისის საქალაქო სასამართლოს ყოფილი თავმჯდომარე მამუკა ახვლედიანი  მოსამართლეების  მიერ  იუსტიციის უმაღლესი საბჭოს თავმჯდომარესთან და მდივანთან შეხვედრაზე გაკეთებულ განცხადებებს გამოეხმაურა.
მოსამართლეთა ნაწილმა - ბადრი შონიამ,  ბადრი კოჭლამაზაშვილმა, ლია ორკოდაშვილმა და სხვებმა მამუკა ახვლედიანი მწვავედ გააკრიტიკეს და აღნიშნეს, რომ საქალაქო სასამართლოს ყოფილი თავმჯდომარე მათგან მხარდაჭერას არ იმსახურებს. 

ახვლედიანმა "ექსპრესნიუსთან" საუბრისას ბადრი შონიას განცხადებაზე ისაუბრა, სადაც ის ამბობს, რომ საქმე მივლინებაში ყოფნისას დაეწერა.  მამუკა ახვლედიანის განმარტებით,  მაშინ ბადრი შონიამ ძალიან ცუდი დამოკიდებულება გამოიჩინა და საქმე მისთვის მიუღებელი ფორმით აიცილა. ამასთან, ახვლედიანის განმარტებით, მის მოსაზრებებს მხოლოდ 20-მდე მოსამართლე ემიჯნება, რომლებსაც გარკვეული ინტერესები ამოძრავებთ.

მამუკა ახვლედიანის თქმით,  არიან მოსამართლეები, რომლებიც მის პოზიციას იზიარებენ, თუმცა ჯერჯერობით ამაზე საჯაროდ არ საუბრობენ:

"სულ 10-15, მაქსიმუმ 20 ადამიანია სასამართლო სისტემაში, რომლებიც  ამ საკითხებზე კომენტარებს აკეთებენ და აქტიურობენ. თუ ვინმე აპროტესტებს, არიან ესენი, მაგრამ არ ვაპროტესტებ, ამას არ აფიქსირებს არავინ და მოვა მაგის მომენტიც და დაფიქსირდება. რას ნიშნავს შვებულებაში თუ არის რატომ დაწერა საქმე? ბატონ ბადრი შონიას შეუძლია ვინმემ ჰკითხოს, როგორ ხდება სასამართლო სისტემაში. გუშინ ხომ არ დაიწყო მუშაობა?! თქვენ ჰკითხეთ,  როგორ აიცილა ეს საქმე, რა დასაბუთებით, რაც  საჯარო არ გახდა არავისთვის. მარტო დაწერა, რომ სხვადასხვა მიზეზების გამო არმინდა ამ საკითხის განხილვა. მეტი არაფერი და აიცილა ეს საკითხი, რაც ძალიან ცუდი დამოკიდებულება იყო და მე უბრალოდ კოლეგა იყო და აღარ გადავაგზავნე....

თქვენ მოისმინეთ ერთი არგუმენტაცია ჩემს გათავისუფლებასთან დაკავშირებით, რომ  რაღაც ბრძანებები არასწორად გამოვეცი და ამ დროს სასამართლოში მისვლით რა გაიკითხა,  თუ ჩემი დარღვევები იყო, რაზეც ისინი საუბრობდნენ, დაეწერა საბჭოს თავის გადაწყვეტილებაში და დაესაბუთებინა, რომ მე ცუდი მენეჯერი ვარ. ეს ყველაფერი აბსურდია, დადგმული თეატრია 15-20 ადამიანის მხრდიან", - განაცხადა მამუკა ახვლედიანმა "ექსპრესნიუსთან" საუბრისას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ

გავრილოვის ღამის ერთ ეპიზოდთან დაკავშირებით საქართველომ სტრასბურგის სასამართლოში დავა წააგო

კიევი-ოდესის გზატკეცილზე რუსეთის საჰაერო დარტყმის შედეგად სამი ადამიანი დაიღუპა