სახანძროს მანქანამ ხალხის დასარბევად განკუთვნილი წყალი დაცალა. ფაქტს ადგილზე შეკრებილების ოვაციები მოჰყვა. "ეს სამოქალაქო გმირობაა" - ისმის ვიდეოში. 

სპეციალური დანიშნულების რაზმმა აქციის რამდენიმე მონაწილე დააკავა.

03:25 წუთზე სპეცდანიშნულების რაზმა კიდევ ერთხელ სცადა რუსთაველის გაწმენდა. "თბილისი მერიოტის" წინ აქციის მონაწილეთა ბარიკადები სცეცრაზმა აშალა.

გარდა გაზის გაშვების შედეგად მიღებული ინტოქსიკაციისა, აქციის მონაწილეებს ექიმების დახმარება ცემის შედეგად მიღებული დაზიანებების გამოც უწევთ. აქციის მონაწილეების ინფორმაციით, მომიტინგეებს სპეცრაზმი ფიზიკურად უსწორდება. ცოტა ხნის წინ, ერთ-ერთი დაშავებული ახალგაზრდა სასწრაფო დახმარების მანქანით საავადმყოფოში გადაიყვანეს. როგორც ერთ-ერთმა მომიტინგემ განაცხადა, აღნიშნულ ახალგაზრდას სპეცრაზმის წარმომადგენელმა ჩაარტყა, რის შედეგადაც მან გონება დაკარგა.

„მეც შოკში ვარ, მოვრბოდით, სპეცრაზმელმა ჩაარტყა და დამეცა ზემოდან მე. თავის არეში აქვს დაზიანება. ოთხჯერ გაითიშა და ძლივს მოვასულიერეთ. აი, ამათ [სპეცრაზმს] მინდა ვუთხრა, სულ ბიძინა ხომ არ ეყოლებათ?“ - განაცხადა თვითმხილველმა მედიასთან საუბარში.

მომღერალი ნებო ნუცუბიძე რუსთაველის გამზირზე, პროევროპული აქციის მონაწილეების გვერდით დგას. 

წარმოუდგენელი რამ ხდება ახლა აქ, როგორ შეიძლება ამ ყველაფერს ვინმემ გულგრილად უყუროს?!  - ყველანი უნდა გამოხვიდეთ, კინაღამ გაგვჭყლიტეს. ვერ ვლაპარაკობ! გამოდით, არ შეიძლება ასე. ჩემი მოტივაცია, სამშობლო, საქართველოა. მე აქ გავიზარდე, მინდა ეს ქვეყანა ისევ ჩვენი იყოს. ყველანი გამოდით, რაც მეტი იქნებით, ვერავინ ვერაფერს გვიზამს. ცოტა გაზს ჩავყლაპავთ, მაგრამ ეს ამდენი ხალხი შეტრიალდება ყველა იქით მივაწვებით"- თქვა ნუცუბიძემ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„მე არ შემიძლია ნეიტრალური ვიყო“ - კრისტინ ლაგარდი ხსნის ევროპის ცენტრალური ბანკიდან ნაადრევ წასვლას

სამმა ამერიკულმა მედიასაშუალებამ ჟურნალისტებისთვის დაწესებული შეზღუდვების გამო ტრამპის ადმინისტრაციის წინააღმდეგ კვლავ შეიტანა სარჩელი

მსახიობი პატრიკ სტიუარტი გარდაიცვალა

თბილისში დაგეგმილ MMA-ის მსოფლიო ჩემპიონატში მონაწილეობას 64 რუსი სპორტსმენი მიიღებს