„თავისუფალი დემოკრატების“ ლიდერის ირაკლი ალასანიას განცხადებით, მათი სურვილია, რომ  პარტიის გენერალურ მდივანს ალექსი პეტრიაშვილს, როგორც დაზარალებულს ადვოკატი აუყვანონ.

ალასანიას თქმით, ადვოკატი საქმის მიმდინარეობას უკეთესად გაეცნობა.

„უახლოეს პერიოდში პასუხი გვექნება ფრაქცია „თავისუფალ დემოკრატების“ შეხვედრა შედგება თუ არა შინაგან  საქმეთა მინისტრთან და პრემიერ-მინისტრთან.  ჩვენ მართალაც გვაინტერესებს რა მიმართულებით მიდის გამოძიება. ასევე ჩვენ გვინდა, როგორც დაზარალებულს ბატონ ალექსი პეტრიაშვილს ავუყვანოთ ადვოკატი. ადვოკატი თავად გაეცნობა საქმის მიმდინარეობას. ჩვენ გვინდა ვიცოდეთ, რამდენად ეფექტურად მუშაობს ჩვენი სამართალდამცავები. ეს არ ნიშნავს არანაირ უნდობლობას, უბრალოდ, მესამე დღე გავიდა და ჩვენ არანაირი პასუხი არ გვაქვს“, - განაცხადა ალასანიამ და დასძინა, რომ მომხდარი ინცინდენტი ალექსი პეტრიაშვილის მკვლელობის მცდელობა იყო.

„ეს არის მკვლელობის მცდელობა, როდესაც ასეთი სისასტიკით მოხდა  დანაშაულის ჩადენა, არის შეკვეთილი. აქედან გამომდინარე, მუხლიც შესაბამისად უნდა იყოს შერჩეული. მე პირადად, არც „თავისუფალ დემოკრატებს“არავის  არ მიგვიცია ჩვენი თავისთვის უფლება, რომ სპეკულაციებზე ვილაპარაკოთ, რომ არ შეეშალოს გამოძიებას სწორ მიმართულებაზე წასვლისგან ხელი. ჩვენი ზოგიერთი ოპონენტისგან განსხვავებით, რომელმაც ეს გააკეთა. ამიტომ, თავი შევიკავოთ ყველანაირი სპეკულაციისგან“, - აღნიშნა ირაკლი ალასანიამ.

შეგახსენებთ,  26 თებერვალს, თბილისში, საბურთალოს რაიონში, უცნობმა პირებმა ალექსი პერტიაშვილს ფიზიკური შეურაცხყოფა მიაყენეს და ცეცხლსასროლი იარაღიდან გასროლით ორივე ქვედა კიდური დაუზიანეს. მომხდარის შესახებ შეტყობინება გადაუდებელი დახმარების ოპერატიული მართვის ცენტრ „112“-ში ახლომდებარე საცხოვრებელ კორპუსში მცხოვრები მოქალაქისგან შევიდა. შინაგან საქმეთა სამინისტროს ქ. თბილისის პოლიციის დეპარტამენტმა გამოძიება საქართველოს სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს. შემთხვევა საბურთალოს პანთეონის ძმათა სასაფლაოს ტერიტორიაზე მოხდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი