პარლამენტის ადამიანის უფლებათა დაცვის კომიტეტის თავმჯდომარის ეკა ბესელიას განცხადებით, პრემიერის პოზიციაა, რომ გოგი თოფაძისა და „რესპუბლიკელების“ დაპირისპირებაზე საჯარო დისკუსიები  დამთავრდეს და აღნიშნულ საკითხზე საუბარი გუნდის შიგნით გაგრძელდეს.

როგორც ბესელიამ ფრაქცია „ქართული ოცნების“ სხდომის დასრულების შემდეგ ჟურნალისტებს განუცხადა, პრემიერი აპირებს ინდივიდუალურ რეჟიმში შეხვდეს როგორც გოგი თოფაძეს, ასევე „რესპუბლიკელებს“.

გარდა ამისა, ბესელიას განმარტებით, აღნიშნული საკითხის განხილვა კოალიციის პოლიტსაბჭოს ფორმატშიც იგეგმება.

„მრეწველებისა“ და „რესპუბლიკელების“  თემაზეც ვისაუბრეთ. ყველამ გამოთქვა საკუთარი მოსაზრება. პრემიერის პოზიცია  ემთხვევა ფრაქციის პოზიციას, რომ ამ საკითხზე გარე დისკუსიები და განხილვა შეწყდეს.  ის ინდივიდუალურ რეჟიმში შეხვდება როგორც ბატონ გოგი თოფაძეს, ასევე „რესპუბლიკელებთან“ ექნება საუბარი. კოალიციის პოლიტსაბჭოს ფორმატშიც იქნება საუბარი. საუბარი გაგრძელდება გუნდის შიგნით, საჯარო დისკუსიები უნდა დასრულდეს და ვფიქრობ, ყველა დარჩენილი საკითხი მეგობრულ გარემოში იქნება გადაწყვეტილი“,-განაცხადა ბესელიამ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი