ჯანმრთელობის დაცვისა და სოციალურ  საკითხთა კომიტეტის თავმჯდომარის დიმიტრი ხუნდაძის განცხადებით, ფრაქცია „ქართული ოცნების“ სხდომაზე გოგი თოფაძესა  და „რესპუბლიკელებს“ შორის დაპირსიპირების თემა ძირითადი განსახილველი საკითხი არ ყოფილა.

როგორც ხუნდაძემ სხდომიდან გამოსვლის შემდეგ ჟურნალისტებს განუცხადა, დროის უმეტესი ნაწილი მომავალ საკომიტეტო საქმიანობაზე მსჯელობას დაეთმო.

ხუნდაძე აღნიშნავს, რომ ძირითადი გადაწყვეტილებები პოლიტსაბჭოს სხდომაზე იქნება მიღებული, რომელიც უახლოეს მომავალში გაიმართება.

დიმიტრი ხუნდაძის განმარტებით, კოალიცია „ქართულ ოცნებას“  და არცერთ დეპუტატს საფრთხე არ ემუქრება.

„არავითარ კანდიდატურებზე მსჯელობა არ ყოფილა. შევჯერდით ძალიან ბევრ საკითხზე. ძირითადად ეს იყო მომავალი საკომიტეტო საქმიანობები. თითოეულ  კომიტეტში ის განსახილველი ძირითადი საკითხები, რასაც თითოეული კომიტეტი გეგმავს, რომ უახლოეს პლენარულ სხდომაზე იქნას განხილული. ჯანდაცვის კომიტეტში იყო ბევრი აქტუალური საკითხი  მათ შორის ჩემი მხრიდან იყო დაყენებული საკითხი ორ მნიშვნელოვან თემაზე-დაბერების პოლიტიკის დოკუმენტზე და დემოგრაფიული უსაფრთხოების დოკუმენტზე იყო მსჯელობა. გოგი თოფაძესა და „რესპუბლიკელების“ თემა  ძირითადი განსახილველი საკითხი არ ყოფილა, თუმცა შევეხეთ ამ საკითხს, მაგრამ გადაწყვეტილებები იქნება მიღებული პოლიტსაბჭოს ფორმატში, რომელიც  უახლოეს დღეებში გაიმართება. კოალიციას  საფრთხე არ ემუქრება, არცერთ დეპუტატს საფრთხე არ ემუქრება და ყველა გადაწყვეტილება სახელმწიფო ინტერესებიდან იქნება მიღებული“,-განაცხადა ხუნდაძემ.

მისივე ინფორმაციით, ფრაქცია „ქართული ოცნების“ სხდომას ყოფილი პრემიერი ბიძინა ივანიშვილი არ ესწრება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი