2024-11-18 12:41:02, 406 ნახვა

---

ვაშაძე - 19:00 საათზე შევიკრიბოთ თსუ-სთან - რას ვაპირებთ, როგორ ვაპირებთ განცხადებას გავაკეთებთ [ვიდეო]

19:00 საათზე, თსუ-სთან გავაკეთებთ განცხადებას, რას ვაპირებთ, როგორ ვაპირებთ,- ამის შესახებ "ერთიანობა - ნაციონალური მოძრაობის" ერთ-ერთმა ლიდერმა, გიორგი ვაშაძემ თბილისში, ჭავჭავაძის გამზირზე განაცხადა, სადაც კარვებია გაშლილი და 24-საათიანი პროტესტია დაგეგმილი. 

ვაშაძემ საზოგადოებას მოუწოდა, ყველანი თსუ-სთან შეიკრიბონ.

"ვთხოვ საზოგადოებას, ყველანი შევიკრიბოთ აქ, დღის მანძილზე შემოგვიერთდით 
უნივერსიტეტთან, სადაც შემდეგ ნაბიჯებთან დაკავშირებით გავაკეთებთ განცხადებას რას ვაპირებთ, როგორ ვაპირებთ. დღესმ, 19:00 საათზე, გთხოვთ, რაც შეიძლება ბევრნი მოვიდეთ ამ ადგილზე",- განაცხადა გიორგი ვაშაძემ.

შეგახსენებთ, გუშინ, 17 ნოემბერს თბილისში, ჭავჭავაძის გამზირზე კარვები გაშალეს. აქციის მონაწილეებმა, რომლებიც 26 ოქტომბრის საპარლამენტო არჩევნების შედეგებს არ აღიარებენ და ხელახალ არჩევნებს ითხოვენ, პროტესტის ნიშნად ღამე თბილისის სახელმწიფო უნივერსიტეტის პირველი კორპუსის მიმდებარე ტერიტორიაზე, გაშლილ კარვებში გაათენეს. ცნობილია, რომ ჭავჭავაძის გამზირზე პროტესტის ეს ფორმა 20:00 საათამდე გაგრძელდება.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი