აშშ-ის არჩეულმა პრეზიდენტმა, დონალდ ტრამპმა ფლორიდის შტატიდან რესპუბლიკელი სენატორი, მარკო რუბიო წარადგინა სახელმწიფო მდივნის პოსტზე.

რუბიო "იქნება ჩვენი ქვეყნის ძლიერი დამცველი, ჩვენი მოკავშირეების ნამდვილი მეგობარი და უშიშარი მებრძოლი, რომელიც არასდროს დაიხევს უკან ჩვენს მეტოქეებთან" - ამბობს ტრამპი 13 ნოემბრის განცხადებაში.

ოფიციალურ განცხადებამდე პრესაში უკვე გავრცელებული იყო ინფორმაცია, რომ ტრამპმა სახელმწიფო მდივნის პოსტისთვის შეარჩია მარკო რუბიო - რომელიც სენატის სადაზვერვო კომიტეტის ხელმძღვანელის მოადგილე და სენატის საერთაშორისო ურთიერთობების კომიტეტის წევრია.

რუბიო პლატფორმაზე X წერს, რომ მისთვის პატივია პრეზიდენტ ტრამპის მხრიდან გამოცხადებული ნდობა, და რომ იგი ყოველდღიურად იმუშავებს ტრამპის საგარეო პოლიტიკის პროგრამის განსახორციელებლად. ტრამპის ლიდერობის პირობებში "ჩვენ მოვიტანთ მშვიდობას სიძლიერით და ამერიკელების და ამერიკის ინტერესებს ყოველთვის ყველაფერზე წინ დავაყენებთ" - წერს რუბიო.

რუბიოს კანდიდატურის დამტკიცებას სენატის თანხმობა დასჭირდება - სადაც რესპუბლიკელებს უმრავლესობა ექნებათ ახალ კონგრესში.

მარკო რუბიო ჩინეთისა და ირანისადმი მკაცრი პოზიციითაა ცნობილი.

საინტერესოა რომ 2014 წლის მაისში სენატორი, მარკო რუბიო ვანო მერაბიშვილის დაკავებას გამოეხმაურა და განცხადება გაავრცელა, სადაც შეშფოთებას გამოთქვამს ყოფილი პრემიერ მინისტრისა და ოპოზიციის ლიდერის დაკავების გამო. “წლების განმავლობაში საქართველო დემოკრატიისა და თავისუფლების მოდელს წარმოადგენდა რეგიონში. მე ღრმად შეშფოთებული ვარ, ყოფილი პრემიერ მინისტრისა და ოპოზიციის ლიდერის, როგორც ჩანს პოლიტიკურად მოტივირებული დაპატიმრებით.” სენატორი წუხს, რომ 2013 წელს არჩევნებიდან 2014 წლამდე 100-ზე მეტი ყოფილი მაღალჩინოსანი დააპატიმრეს. 

ვაშინგტონში, რუსეთის საელჩოს მოპირდაპირე ქუჩას მოკლული ოპოზიციონერი პოლიტიკოსის ბორის ნემცოვის სახელის დარქმევა მარკო რუბიოს ინიციატივა იყო.

ავტორი: ექსპრესნიუსი,

სოციალური ქსელები

სერბეთის საპარლამენტო არჩევნებში მმართველმა პარტიამ ისტორიული მარცხი განიცადა, ვუჩიჩმა სტუდენტებთან დამარცხება აღიარა

საქართველო ივანიშვილის გარეშე დიდი საპროტესტო აქცია თბილისში - ვიდეო

პრაღაში ათიათასობით ადამიანი საზოგადოებრივი მაუწყებლობის რეფორმის წინააღმდეგ საპროტესტო აქციას მართავს

აშშ-ის ბინძური საარჩევნო რბოლა:შეურაცხყოფა და დამცირება, რა ხდება არჩევნებამდე