„საქართველოს ახალგაზრდა იურისტთა ასოციაციის“ (საია) თავმჯდომარე ნონა ქურდოვანიძე თბილისის სააპელაციო სასამართლოს გადაწყვეტილებას გამოეხმაურა.

როგორც ქურდოვანიძემ აღნიშნა, "სასამართლო იმასაც კი არ შეეცადა, რომ ფორმალურად პატივი ეცა დარბაზში მყოფი ხალხისთვის და ორი სიტყვა მაინც ეთქვა, რატომ აუქმებდა, მათ შორის, თეთრიწყაროს რაიონული სასამართლოს ძალიან მნიშვნელოვან გადაწყვეტილებას".

ქურდოვანიძის თქმით, აღნიშნულ საქმეს მართლმსაჯულებასთან და სასამართლოსთან საერთო არაფერი ჰქონდა.

"სასამართლო იმასაც კი არ შეეცადა, რომ ფორმალურად პატივი ეცა დარბაზში მყოფი ხალხისთვის და ორი სიტყვა მაინც ეთქვა, რატომ აუქმებდა, მათ შორის, თეთრიწყაროს რაიონული სასამართლოს ძალიან მნიშვნელოვან გადაწყვეტილებას და რატომ არ აკმაყოფილებდა ჩვენს საჩივრებს. მათ არაფერი არ თქვეს, მათ უბრალოდ პროცედურული ნორმები დაასახელეს და თქვეს, რომ მოთხოვნა არ უნდა დაკმაყოფილდეს და უნდა დაკმაყოფილდეს საარჩევნო ადმინისტრაციის მოთხოვნა თეთრიწყაროს რაიონული სასამართლოს გადაწყვეტილების გაუქმების შესახებ.

ეს იყო მოსალოდნელი. ჩვენ, რა თქმა უნდა, არ გვიკვირს ის, რაც აქ მოხდა. პირიქით, ჩვენ გაგვიკვირდა ის, რომ ამ სისტემაში აღმოჩნდა ერთი მოსამართლე, რომელმაც გაბედა და ამ საქმეს დაარქვა თავისი სახელი. რაც მოხდა აპელაციაში, ეს იყო სრულიად მოსალოდნელი, განსაკუთრებით მაშინ, როდესაც გუშინ იგრძნობოდა, რომ სააპელაციო სასამართლოს ქუთაისში და თბილისში ჰქონდათ, გარკვეულწილად ჩვენი ვარაუდით, კოორდინაცია. იმიტომ, რომ ქუთაისში ძალიან ყოვნდებოდა გადაწყვეტილების მიღება, ამ საქმის გადაწყვეტილების გამოცხადება პარალელურად. ერთი 24 საათის განმავლობაში აქ ხდებოდა, ეს არ იყო, რა თქმა უნდა, სასამართლო, ეს არ იყო მართლმსაჯულება, ამას არაფერი არ აქვს სამართალთან",- განაცხადა ნონა ქურდოვანიძემ. 

შეგახსენებთ, თბილისის სააპელაციო სასამართლომ აღმოსავლეთ საქართველოს 1 293 ტექნოლოგიური უბნის ბათილად ცნობის შესახებ საიას მოთხოვნა არ დააკმაყოფილა.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს