საქართველოს ვიცე–პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა თურქეთში სამუშაო ვიზიტის მეორე დღეს ტურიზმის სექტორში მომუშავე თურქეთის წამყვანი ინვესტორი კომპანიების წარმომადგენლებთან შეხვედრები გამართა. დიმიტრი ქუმსიშვილმა შეხვედრებზე საქართველოში არსებულ ბიზნესგარემოსა და კონკრეტულ საინვესტიციო პროექტებზე ისაუბრა.  
მოწვეული კომპანიების ნაწილი საქართველოში უკვე საქმიანობს, თუმცა, ბიზნესის გაფართოებას გეგმავს, ნაწილისთვის კი საქართველოს ბაზარი ძალიან მიმზიდველია ქვეყანაში არსებული საინვესტიციო გარემოს გამო - ისინი პროექტების განხორციელებას საქართველოს ტერიტორიაზე როგორც უძრავი ქონების სფეროში, ასევე სხვა სექტორებში გეგმავენ.  
შეხვედრებზე თურქული კომპანიების წარმომადგენლებმა მოისმინეს ვრცელი პრეზენტაცია ტურისტული ინდუსტრიისა და უძრავი ქონების ბაზრის მდგომარეობის შესახებ. აღინიშნა, რომ  საერთაშორისო ინვესტორთა ინტერესი საქართველოს უძრავი ქონების სექტორის მიმართ დიდია, განსაკუთრებით სასტუმრო ინდუსტრიის მიმართულებით. პრეზენტაციის გარდა, თურქული ბიზნესის წარმომადგენლები გაეცნენ რამდენიმე მსხვილ საინვესტიციო პროექტს, მათ შორის, წყალტუბოსა და გონიოში.   
„ინვესტიციების მოზიდვა და ახალი სამუშაო ადგილების შექმნა ჩვენი ძირითადი მოვალეობაა. ვიზიტის ფარგლებში ჩვენ შევხდით არაერთ ინვესტორ კომპანიას, რომლებიც  სასტუმრო ბიზნესის მიმართულებით საქმიანობენ და თურქეთში საკმაოდ დიდ პორტფელს ფლობენ. ჩვენ მათ გავაცანით კონკრეტული საინვესტიციო შესაძლებლობები და შევთანხდით, რომ მათზე საუბარი საქართველოში გაგრძელდება“, – განაცხადა საქართველოს ვიცე–პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა. მან დაასახელა რამდენიმე წამყვანი კომპანია, მათ შორის, „ლიმაქ ჰოლდინგი“, რომლებიც გეგმავენ, უკვე უახლოეს დღეებში ეწვიონ საქართველოს საინვესტიციო პროექტებზე სასაუბროდ. „შედეგად, ჩვენ გვინდა მივიღოთ საქართველოში განვითარებული ტურისტული ინფრასტრუქტურა, შეიქმნას ახალი სამუშაო ადგილები და შემოვიდეს მეტი ტურისტი ქვეყანაში“, – განაცხადა საქართველოს ვიცე–პრემიერმა. 
დიმიტრი ქუმსიშვილმა თურქული კომპანიები კონკრეტული საინვესტიციო წინადადებების განსახილველად საქართველოში მოიწვია.   

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს