საბურთალოს რაიონში, კიდევ ერთი დასასვენებელი სივრცე მოეწყო. ამის შესახებ ინფორმაციას თბილისის მერია ავრცელებს.

მერიის ცნობით, ამჯერად, ინფრასტრუქტურული სამუშაოები დიდ დიღომში, მე-4 მიკრორაიონში 21-ე კორპუსის მიმდებარედ განხორციელდა. 

"პროექტის ფარგლებში, 5 000 კვ. მ ფართობზე მოეწყო სატრენაჟორო და საბავშვო-გასართობი ზონა, განათებისა და სარწყავი ქსელები. დაიგო რულონური ბალახი და დაირგო 100-მდე სხვადასხვა ჯიშის ხე-მცენარე.

გარდა ამისა, აღნიშნულ მისამართზე 600 კვ.მ ფართობის სპორტული მოედანი რეაბილიტირდა. ასევე, მოეწყო სტრიტბოლის  მოედანი.

აღნიშნული პროექტისთვის ადგილობრივი ბიუჯეტიდან 1 400 000 ლარი გამოიყო. სამუშაოები საბურთალოს რაიონის გამგეობის დაკვეთით, კომპანიამ  "მშენსერვისი 55" შეასრულა.

დასრულებულ პროექტს საბურთალოს რაიონის გამგებელი გიზო ვასაძე, თბილისის საკრებულოს საბურთალოს რაიონის მაჟორიტარი დეპუტატი ავთანდილ ცინცაძე და თბილისის საკრებულოს წევრი აკაკი ალადაშვილი გაეცნენ",- ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

ანი წითლიძე - ივანიშვილის რუსული რეჟიმი ბევრად უფრო დაუნდობელია, ვიდრე ორბანის.

ბრიუსელი ხარობს: უნგრეთი ორბანის დამარცხების შემდეგ ევროპის გულში ბრუნდება

ირანი აშშ-ს აფრთხილებს: ნებისმიერი საზღვაო ბლოკადა წარუმატებლობისთვისაა განწირული

თეთრი სახლი სამშვიდობო მოლაპარაკებების ჩაშლის შემდეგ ირანზე დარტყმების განახლების საკითხს განიხილავს