ესპანეთში წყალდიდობის შედეგად დაღუპულთა რიცხვი 64-მდე გაიზარდა. ამის შესახებ ინფორმაციას Reuters-ი ადგილობრივ ხელისუფლებაზე დაყრდნობით ავრცელებს.

სააგენტოს ცნობით, ვალენსიის რეგიონში, სადაც წყალდიდობის გამო ქალაქები დაიტბორა, სულ მცირე, 62 ადამიანია დაღუპული. კასტილა ლა მანჩას ხელისუფლების ცნობით კი, რეგიონში ქარშიხალს 2 ადამიანი ემსხვერპლა, ხოლო რამდენიმე უგზო-უკვლოდ დაკარგულად მიიჩნევა.

ესპანეთის პრემიერ-მინისტრმა, პედრო სანჩესმა სატელევიზიო მიმართვა გაავრცელა და პირობა დადო, რომ დაზიანებულ ინფრასტრუქტურას აღადგენს.

"მათთვის, ვინც ამ წუთებში კვლავ ეძებს საყვარელ ადამიანებს, მთელი ესპანეთი ტირის თქვენთან ერთად“,- განაცხადა სანჩესმა.

ოფიციალური პირების თქმით, ყველაზე მეტად დაზარალებულ საცხოვრებელ პუნქტებში სკოლები დახურულია და სხვა აუცილებელი სერვისების მიწოდება შეჩერებულია. 

სასწრაფო დახმარების სამსახურები მოქალაქეებს მოუწოდებენ, მგზავრობისგან თავი შეიკავონ.

ავტორი: ექსპრესნიუსი,

სოციალური ქსელები

სერბეთის საპარლამენტო არჩევნებში მმართველმა პარტიამ ისტორიული მარცხი განიცადა, ვუჩიჩმა სტუდენტებთან დამარცხება აღიარა

საქართველო ივანიშვილის გარეშე დიდი საპროტესტო აქცია თბილისში - ვიდეო

პრაღაში ათიათასობით ადამიანი საზოგადოებრივი მაუწყებლობის რეფორმის წინააღმდეგ საპროტესტო აქციას მართავს

აშშ-ის ბინძური საარჩევნო რბოლა:შეურაცხყოფა და დამცირება, რა ხდება არჩევნებამდე