17 საათისთვის არჩევნებში მონაწილეობა მიიღო 1768816 მოქალაქემ, რაც ამომრჩევალთა 50.6% -ია. - შესაბამისი მონაცემები ცესკომ გამოაქვეყნა.

რეგიონების მიხედვით, ოლქებში მოსული ამომრჩევლები ამდაგვარად გადანაწილდა: 17 საათისთვის სამეგრელო-ზემო სვანეთი 160651 ამომრჩეველი, რაც 47.84 %-ია. იმერეთი 264496 ამომრჩეველი რაც, 51.26 %ია. სამცხე-ჯავახეთი 75207 ამომრჩეველი რაც 52.38 % ია.  კახეთი ამ დროისთვის ხმა მისცა 151339 ამომრჩეველმა რაც 51.33 %-ია.  ქვემო ქართლი 169472 ამომრჩეველი რაც 42.29 % - ია.  შიდა ქართლი119444 ამომრჩეველი რაც 50.67 % ია. რაჭა ლეჩხუმი  17989 ამომრჩეველი რაც 61.81 % ია.  აჭარა 168233 მოქალაქემ მისცა ხმა, პროცენტულად 53.05 %. მცხეთა-მთიანეთი 46132 რაც 51.93 %-ია. თბილისი 540549 რაც 52.42 %-ს შეადგენს.

„ამ დროისათვის კენჭისყრა ძირითადად მშვიდ ვითარებაში მიმდინარეობს. პროცესი აჩვენებს, რომ ამომრჩევლებმა ძალიან კარგად და მარტივად მიიღეს ელექტრონული ტექნოლოგიები და შეუფერხებლად აკეთებენ საკუთარ არჩევანს. ამომრჩეველთა აქტივობა შემდეგია: 17:00 საათის მდგომარეობით საარჩევნო უბნებზე მივიდა 1 768 816 ამომრჩეველი, რაც 50.6%-ს შეადგენს.“ - განაცხადა ცესკოს პრესპიკერმა ნათია იოსელიანმა.’

15:00 საათის მონაცემებით, საარჩევნო უბნებზე 1 454 837ამომრჩეველი მივიდა, რაც 41.62%-ს შეადგენს. 

ამომრჩევლებს საერთო ჯამში 3 111 საარჩევნო უბანი ემსახურება. საქართველოში გახსნილია 3 044 უბანი, მათ შორის 13 გამონაკლის შემთხვევაში შექმნილი უბანი, საიდანაც 12 პენიტენციურ დაწესებულებებში, 1 კი ფსიქიკური ჯანმრთელობის ცენტრშია გახსნილი. რაც შეეხება საზღვარგარეთ შექმნილ უბნებს - 42 ქვეყნის 53 ქალაქში შექმნილია 67 საარჩევნო უბანი. ელექტრონული ტექნოლოგიების გამოყენებით არჩევნები საქართველოში 2 263 უბანზე ტარდება, დანარჩენ უბნებზე, ასევე საზღვარგარეთ, კენჭისყრა ტრადიციული წესით იმართება.

საარჩევნო პროცესს დააკვირდება 76 საერთაშორისო ორგანიზაციის 1 700-ზე მეტი  დამკვირვებელი, 111 ადგილობრივი ორგანიზაციის 23 000-ზე მეტი დამკვირვებელი, ასევე პროცესს გააშუქებს 199 მედია ორგანიზაციის 2 800-ზე მეტი წარმომადგენელი

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს