2016-02-26 10:28:42, 360 ნახვა
პოლიტიკა
კომუნალური ვაუჩერებისთვის გამოყოფილი თანხა შესაძლოა შემცირდეს
თბილისის ბიუჯეტში შესატან ცვლილებებს საკრებულოს სხდომაზე დღეს განიხილავენ. ცვლილებები კომუნალურ ვაუჩერებს შეეხება და გამოყოფილი 45 მილიონი ლარის 13 მილიონზე მეტით შემცირებას გულისხმობს.
როგოროც საპარლამენტო უმრავლესობა განმარტავს, გამოთავისუფლებული თანხა ჯანდაცვის პროექტებს მოხმარდება. ოპოზიციას კი მიაჩნია, რომ ამით დახმარების გარეშე 290 ათასამდე ოჯახი დარჩება.
ოპოზიცია სხდომაზე საქალაქო სამსახურების გაერთიანებისა და სამეწარმეო საქმიანობის ხელშეწყობის ცენტრის გაუქმების საკითხსაც დააყენებს. ისინი კვლავ თანხის არამიზნობრივ ხარჯვაზე საუბრობენ, უმრავლესობა კი განმარტავს, რომ დაზოგილი თანხა საგზაო ინფრასტრუქტურულ პროექტებს მოხმარდება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
