საქართველოს ფინანსთა მინისტრი ნოდარ ხადური ეროვნული ბანკის საქმიანობის შეფასებისგან თავს იკავებს. თუმცა, ხადური აღნიშნავს, რომ მნიშვნელოვანია,  მთავრობასა და ეროვნულ ბანკს შორის კომუნიკაცია არსებობდეს.

“მე ვერ შევაფასებ ეროვნული ბანკის საქმიანობას, ის კონსტიტუციური ორგანოა და ის არ არის მთავრობის ნაწილი, შესაბამისად, მე როგორც მთვრობის წევრი ვერ შევაფასებ , რაც შეეხება ..პარლამენტში წარდგენილია ეროვნული ბანკის საბჭოს წევრობის კანდიდატი, მანამდე რამდენადაც ვიცი ერთ–ერთი ვიცე პრეზიდენტი შეასრულებს ეროვნული ბანკის პრეზიდენტის მოვალეობას, ცხადია, რომ ბანკს ეყოლება ხელმძღვანელი. მთავარია,  საქართველოს მთავრობას, განსაკუთრებით ფინანსთა სამინისტროსა და ეროვნულ ბანკს შორის კომუნიკაცია იყოს. პრაქტიკულად ონლაინ რეჟიმში ძალიან ბევრი მაკროეკონომიკური თემაა, რომელზეც საჭიროა შეთანხმებული და კოორდინირებული საქმიანობა, თუმცა, ეს არ ნიშნავს იმას, რომ ერთ–ერთი სამსახური მეორეს საქმიანობაში უნდა ერეოდეს. ჩვენ გვქონდა კომუნიკაცია ძალიან ბევრ თემაზე”,-განაცხადა ნოდარ ხადურმა.

შეგახსენებთ, ეროვნული ბანკის პრეზიდენტ გიორგი ქადაგიძეს უფლებამოსილების ვადა დღეს ამოეწურა. სავარაუდოდ,  ეროვნული ბანკის  პრეზიდენტის მოვალეობას,  ერთ-ერთი ვიცე-პრეზიდენტი შეასრულებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე ილარიონის თქმით, სინოდზე ასაკის ცენზზე შეთანხმებას ვერ მიაღწიეს, განათლებაზე არ უმსჯელიათ

წყნეთში, სკვერში დენის დარტყმის შედეგად გარდაცვლილი მოზარდის ოჯახი მომხდარზე პასუხისმგებლობას კალაძეს აკისრებს

მედვედევი: დროა, შევწყვიტოთ ტოლერანტული დამოკიდებულება მეზობლების EU-ში გაწევრიანების მიმართ

პაპუაშვილი მოლდოვის ყოფილ პრეზიდენტ დოდონს და პრორუს დეპუტატებს შეხვდა