გარემოს დაცვისა და სოფლის მეურნეობის მინისტრის მოადგილე თენგიზ ნასარიძე სოფლის მეურნეობისა და სოფლის განვითარების უწყებათაშორის საკოორდინაციო საბჭოსთან არსებულ სამოქალაქო კომიტეტის შეხვედრას დაესწრო, სადაც სამოქალაქო სექტორს საქართველოს კანონი “სოფლის მეურნეობის და სოფლის განვითარების შესახებ“  გააცნეს. ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, კანონი, რომლის მიზანიც სოფლად მეწარმეობის განვითარების სტიმულირება და ფერმერთა კონკურენტუნარიანობის გაზრდის ხელშეწყობაა, სოფლის მეურნეობისა და სოფლის განვითარების პოლიტიკის განსაზღვრისთვის ზოგად პრინციპებს და მოთხოვნებს ადგენს და მისი მართვისთვის პასუხისმგებელი უფლებამოსილი სახელმწიფო უწყებების კომპეტენციას განსაზღვრავს.  თენგიზ ნასარიძის განცხადებით, კანონის შემუშავება ევროპელ კოლეგებთან მჭიდრო თანამშრომლობით მოხდა და ის მთლიანად ეხმიანება ევროკავშირის მოთხოვნებს.

“დარგისთვის ეს კანონი ძალიან მნიშვნელოვანი დოკუმენტია, ვინაიდან აქამდე არ არსებობდა ერთიანი ჩარჩო საკანონმდებლო აქტი, რომელიც სოფლის მეურნეობის მიმართულებით არსებულ საკითხებს სისტემურად დაარეგულირებდა. ამ კანონის მიხედვით ფაქტობრივად განისაზღვრა სტრუქტურული მოწყობა, დარგის განვითარების მიზნები, პოლიტიკის შემუშავების პრინციპები და ბევრი მიმართულებით განიმარტა სხვადასხვა ტერმინი. ისევე როგორც სხვა მოწინავე ქვეყნებს, საქართველოსაც უკვე საკანონმდებლო დონეზე აქვს ჩამოყალიბებული  სოფლის მეურნეობის დარგის განვითარების მიდგომები“,- აღნიშნა თენგიზ ნასარიძემ.

კანონის “სოფლის მეურნეობის და სოფლის განვითარების შესახებ“ შემუშავება გაეროს განვითარების პროგრამის (UNDP) ტექნიკური დახმარებით და ევროკავშირის ფინანსური მხარდაჭერით მოხდა. UNDP-ის პროექტის ეროვნული მენეჯერის ნოდარ კერესელიძის განცხადებით, სოფლის მეურნეობის და სოფლის განვითარების შესახებ კანონის მიღება ევროკავშირთან ინტეგრაციის პროცესში წინ გადადგმული ნაბიჯია.

“ეს კანონი სწორედ იმ მიზანს ემსახურება, რომ საქართველოს სოფლის მეურნეობის და სოფლის განვითარების პოლიტიკის სფერო ევროკავშირის შესაბამის პოლიტიკას დაუახლოვდეს, რაც, საბოლოოო ჯამში, გამოიღებს იმ ეფექტს, რომ, ერთი მხრივ, ქვეყანა ამ ნაწილში დაუახლოვდება ევროკავშირს და, მეორე მხრივ, ის პროგრამები, რომელსაც სახელმწიფო ახორციელებს ფერმერებისთვის, უფრო შედეგიანი, პროდუქტიული და შემოსავლიანი  გახდება“,- განაცხადა ნოდარ კერესელიძემ.

სამოქალაქო სექტორის წარმომადგენლები კანონის მიღებას და სფეროს ერთიან ჩარჩოში მოქცევას მიესალმებიან. ორგანული აკვაკულტურის განვითარების ასოციაციის თავმჯდომარის სოფო დიასამიძის განცხადებით, კანონი სახელმწიფო უწყებების, სამოქალაქო სექტორის და ასოციაციების კოორდინირებულად მუშაობას შეუწყობს ხელს.

სამოქალაქო კომიტეტის წევრებთან შეხვედრას ევროკავშირის, გაეროს განვითარების პროგრამის (UNDP) წარმომადგენლები და საქართველოს გარემოს დაცვისა და სოფლის მეურნეობის სამინისტროს შესაბამისი უწყების ხელმძღვანელები ესწრებოდნენ.

ავტორი: NS (სტატია დაფინანსებულია),

სოციალური ქსელები

კმარა სუნთქვა აღარ შეგვიძლია - თურქეთში ათასობით ადამიანი ჟურნალისტების დაკავებების წინააღმდეგ გამოვიდა

სეს: სუნელ-სანელებლებში სუდანის ჯგუფის აზო-საღებავები გამოვლინდა

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს