2016-02-23 16:55:14, 587 ნახვა

---

„ქორთიად მარიოტში“ პროექტის „ნაბიჯ-ნაბიჯ უკეთესი მომავლისთვის“ შემაჯამებელი შეხვედრა გაიმართება

ხვალ, 24 თებერვალს, 11:00 საათზე, სასტუმრო „ქორთიად მარიოტში“ პროექტის „ნაბიჯ-ნაბიჯ  უკეთესი მომავლისთვის: მდგრადი რეაბილიტაცია და რესოციალიზაცია საქართველოში“ შემაჯამებელი შეხვედრა გაიმართება.

პროექტი დაფინანსებულია ევროკავშირისა და ავსტრიის განვითარების სააგენტოს მიერ.  პროექტი საქართველოს იუსტიციის სამინისტროს სსიპ „დანაშაულის პრევენციის ცენტრისა“ და პრობაციის ეროვნული სააგენტოს ხელშეწყობით ერთობლივად  განახორციელეს საერთაშორისო ორგანიზაციამ “Hilfswerk Austria International” და  იძულებით გადაადგილებულ პირ ქალთა ასოციაციამ „თანხმობა“.

პროექტის მიზანია   სოციალურად დაუცველი ჯგუფების ეფექტიანი რესოციალიზაცია  საზოგადოებაში.

პროექტი „ნაბიჯ-ნაბიჯ  უკეთესი მომავლისათვის: მდგრადი რეაბილიტაცია და რესოციალიზაცია საქართველოში“  შიდა ქართლის რეგიონში 26 თვის განმავლობაში მიმდინარეობდა. მის ფარგლებში   გადამზადდა და დასაქმდა რეგიონში მცხოვრები 150 ბენეფიციარი. მათ შორის არიან ყოფილი პატიმრები, პრობაციონერები, მათი ოჯახის წევრები, დევნილები და კანონთან კონფლიქტში მყოფი არასრულწლოვნები. დაფინანსდა რამდენიმე  მცირე ბიზნესიდეაც, რომლებიც წარმატებით მუშაობს.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი