2024-10-05 10:00:12, 440 ნახვა
მსოფლიო
ბაიდენი - აშშ-ში არჩევნები იქნება თავისუფალი და სამართლიანი, მაგრამ არ ვიცი, იქნება თუ არა მშვიდობიანი
ამერიკის შეერთებული შტატების პრეზიდენტი ჯო ბაიდენი დარწმუნებული არ არის, რომ აშშ-ში საპრეზიდენტო არჩევნები მშვიდობიანი იქნება. ამის შესახებ ინფორმაციას CNN ავრცელებს.
ბაიდენის თქმით, ამის მიზეზი აშშ-ის ყოფილი პრეზიდენტისა და “რესპუბლიკური პარტიის“ საპრეზიდენტო კანდიდატის, დონალდ ტრამპის გამონათქვამებია.
“დარწმუნებული ვარ, რომ არჩევნები იქნება თავისუფალი და სამართლიანი, მაგრამ არ ვიცი, იქნება თუ არა მშვიდობიანი. ის, რაც ტრამპმა თქვა და ის, რაც მან წინა ჯერზე განაცხადა, როდესაც არ მოეწონა არჩევნების შედეგები, ძალიან სახიფათო იყო“,- აღნიშნა ბაიდენმა.
ავტორი: ექსპრესნიუსი,
epn.ge (@expressnews.ge)
