„ავერსის კლინიკაში“  საქველმოქმედო ფონდმა „ავერსმა“ და „ავერსის კლინიკამ“  საქართველოს ოლიმპიურ კომიტეტთან დადებული მემორანდუმი განაახლეს. 

როგორც  „ავერსის“ გენერალურმა დირექტორმა   პაატა კურტანიძემ  ჟურნალისტებთან საუბრისას აღნიშნა, მემორანდუმი, რომლიც 2009 წლიდან ფორმდება, გულისხმობს მოქმედი და ვეტერანი სპორტსმენების უფასო დახმარებას მედიკამენტებით და სამედიცინო დახმარებით.

„დღეს, ჩვენ ვაფორმებთ „ავერსსა“ და საქართველოს ოლიმპიურ კომიტეტს შორის მემორანდუმს, რომლიც 2009 წლიდან ყოველწლიურად ფორმდება. ეს გულისხმობს როგორც მოქმედი სპორტსმენების, ასევე ვეტერანი სპორტსმენების უფასო დახმარებას როგორც მედიკამენტებით, ასევე სამედიცინო სერვისებით. წელს აუცილებლად გაგრძელდება და იმედი გვაქვს, რომ მომავალ წლებშიც გავაგრძელებთ, ვინაიდან ჩვენს სპორტსმენებს, როგორც მოქმედებს, ასევე ვეტერანებს ძალიან სჭირდებათ სამედიცინო მომსახურება“,-განაცხადა პაატა კურტანიძემ.

მემორანდუმის თანახმად, საქველმოქმედო ფონდი „ავერსი“ ვალდებულებას იღებს, საქართველოს ეროვნული ოლიმპიური ნაკრების წევრებსა და ვეტერან სპორტსმენებს გაუწიოს უფასო სამედიცინო მომსახურეობა „ავერსის“ კლინიკათა ქსელში და უფასოდ უზრუნველყოს მკურნალობისთვის საჭირო ყველა მედიკამენტი.

ცნობისთვის, მემორანდუმი პირველად 2009 წლის 19 თებერვალს გაფორმდა. დღემდე ეროვნული ოლიმპიური კომიტეტის სპორტსმენებმა 744 978,5 ლარის სამედიცინო მომსახურეობით ისარგებლეს და მიიღეს 310 097, 82 ლარის ღირებულების მედიკამენტები. სულ ჯამში ეს თანხმა შეადგენს 1 005 076,32 ლარს.

მემორანდუმის თანახმად, სპორტსმენების ჯანმრთელობაზე ზრუნვა კომპანია „ავერსის“ პრიორიტეტი იქნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს