თბილისის აგლომერაციისთვის ატმოსფერული ჰაერის ხარისხის მართვის 2024-2026 წლების გეგმის მიზანი ქ თბილისის მუნიციპალიტეტში პრობლემური მავნე ნივთიერებებით გამოწვეული დაბინძურების შემცირება და სხვა მავნე ნივთიერებების დონეების ნორმის ფარგლებში შენარჩუნებაა. ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

სამინისტროს ცნობით, დოკუმენტში წარმოდგენილია 3-წლიანი სამოქმედო გეგმა, რომელშიც გაწერილია განსახორციელებელი აქტივობები, განხორციელებაზე პასუხისმგებელი უწყებები, შესრულების ინდიკატორები, ვადები და ბიუჯეტი. 

"სამოქმედო გეგმა 4 ძირითად ამოცანას მოიცავს -  თბილისის აგლომერაციაში ატმოსფერული ჰაერის მყარი ნაწილაკებით დაბინძურების შემცირებას, ასევე, აზოტის დიოქსიდის (NO2) გაფრქვევის შემცირებას, ატმოსფერული ჰაერის ხარისხისა და ადამიანის ჯანმრთელობაზე ჰაერის დაბინძურების ზემოქმედების შეფასების გაუმჯობესებას და ატმოსფერული ჰაერის დაცვის შესახებ საზოგადოების ცნობიერების ამაღლებას.
ატმოსფერული ჰაერის ხარისხის მართვის გეგმა სექტორული მიმართულების პოლიტიკის დოკუმენტია, რომლის მიზანიც, შედეგზე ორიენტირებული ღონისძიებების გზით, ატმოსფერული ჰაერის ხარისხის გაუმჯობესებაა. 

საქართველოს მთავრობის განკარგულების პროექტი საქართველოს გარემოს დაცვისა და სოფლის მეურნეობის სამინისტროს და სხვა სამთავრობო უწყებების, საქართველოს პარლამენტის, თბილისის მერიის და სამოქალაქო საზოგადოების წარმომადგენლების ჩართულობით და ევროკავშირის მხარდაჭერით მომზადდა, რომელშიც ქართველი და ევროპელი ექსპერტები მონაწილეობდნენ; პროექტთან დაკავშირებით საჯარო კონსულტაციები და საჯარო განხილვა მოეწყო.

თბილისის აგლომერაციისთვის ატმოსფერული ჰაერის ხარისხის მართვის 2024-2026 წლების გეგმა "ატმოსფერული ჰაერის დაცვის შესახებ" საქართველოს კანონის და "პოლიტიკის დოკუმენტების შემუშავების, მონიტორინგისა და შეფასების წესის დამტკიცების შესახებ"  საქართველოს მთავრობის დადგენილების შესაბამისად მომზადდა. გეგმა ასევე მოიცავს საქართველოს სხვა ეროვნული სტრატეგიული დოკუმენტებითა და საერთაშორისო ვალდებულებებით გათვალისწინებულ საკითხებს. 
აღსანიშნავია, რომ ატმოსფერული ჰაერის ხარიხის მართვის გეგმების შემუშავება ევროკავშირის ქვეყნებში ატმოსფერული ჰაერის დაბინძურების პრობლემის გადაჭრის საუკეთესო პრაქტიკას წარმოადგენს", - ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის