2016-02-20 18:01:41, 560 ნახვა
საზოგადოება
საბურთალოზე ხანძრის შედეგად 87 წლის მამაკაცი გარდაიცვალა
საბურთალოს რაიონში, ოსეთის ქუჩაზე ერთ-ერთ საცხოვრებელ სახლს ცეცხლი გაუჩნდა.
როგორც „ექსპრესნიუსს“ შსს საგანგებო სიტუაციების მართვის სააგენტოში განუცხადეს, ხანძრის შედეგად 87 წლის მამაკაცი გარდაიცვალა, რომელიც სახლის გვერდით მდგომ დამხმარე ნაგებობაში იმყოფებოდა. არიან დაშავებულებიც.
ადგილზე 5 სახანძრო-სამაშველო ეკიპაჟი იყო მობილიზებული. ხანძარი ამ დროისთვის ლიკვიდირებულია.
ხანძრის გამომწვევი მიზეზები ჯერჯერობით უცნობია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
