2022 წლის 24 თებერვლიდან 2024 წლის აგვისტოს ბოლომდე, უკრაინის მშვიდობიან მოსახლეობაში დაჭრილთა რიცხვმა, სულ მცირე, 24 614 ადამიანი შეადგინა, ხოლო დაღუპულთა რაოდენობამ - 11 743. ამის შესახებ მონაცემები გაეროს ადამიანის უფლებათა უმაღლესი კომისრის სამმართველომ (OHCHR) გამოაქვეყნა.

გაეროს მონაცემებით, აგვისტოში უკრაინაში, სულ მცირე, 184 მშვიდობიანი მოქალაქე დაიღუპა, 856 კი დაშავდა.

"გაერო კონფლიქტთან დაკავშირებული ძალადობის შედეგად სამოქალაქო ზიანის შესახებ ინფორმაციას წყაროების ფართო სპექტრიდან აგროვებს, მათ შორის მსხვერპლებთან, მათ ნათესავებთან და მოწმეებთან ინტერვიუებიდან, ღია წყაროს ინფორმაცია, მათ შორის ფოტო და ვიდეომასალა, სასამართლო ექსპერტიზის ჩანაწერები და ანგარიშები, სისხლის სამართლის გამოძიების მასალები, სასამართლო დოკუმენტები, საერთაშორისო და ეროვნული არასამთავრობო ორგანიზაციების ანგარიშები, სამართალდამცავი და სამხედრო პირების საჯარო მოხსენებები, სამედიცინო დაწესებულებებისა და ადგილობრივი ხელისუფლების მონაცემები - ყველა წყარო და ინფორმაცია ფასდება მათი შესაბამისობისა და სანდოობის მიხედვით და გადამოწმებულია. 

ზოგიერთ შემთხვევაში, დადასტურებას დრო სჭირდება. ეს ნიშნავს, რომ რაც უფრო მეტი ინფორმაცია გახდება ხელმისაწვდომი, სამოქალაქო მსხვერპლის შესახებ დასკვნები შეიძლება გადაიხედოს და რიცხვები შეიცვალოს",- აღნიშნულია გაეროს ანგარიშში.

გაეროს მონაცემების თანახმად, რუსეთის სრულმასშტაბიანი ომის დროს უკრაინაში სულ დაიღუპა 5 692 მამაკაცი, 3 534 ქალი, 338 არასულწლოვანი ბიჭი და 275 გოგონა. რუსეთის აგრესიის შედეგად დაღუპული 28 ბავშვისა და 1 876 მოზრდილის სქესის დადგენა ჯერჯერობით ვერ მოხერხდა.

გაეროს ადამიანის უფლებათა უმაღლესი კომისრის დოკუმენტში ნათქვამია, რომ რუსეთის აგრესიის შედეგად აგვისტოში, უკრაინაში მშვიდობიანი მოსახლეობის მსხვერპლი 91% და საგანმანათლებლო და ჯანდაცვის ობიექტების დაზიანება 95% იყო. თავდასხმების შედეგად ამავე თვეში რუსეთმა გაანადგურა 2 სამედიცინო და 13 საგანმანათლებლო დაწესებულება, ხოლო დააზიანა 28 სამედიცინო და 38 საგანმანათლებლო დაწესებულება. 

ავტორი: ექსპრესნიუსი,

სოციალური ქსელები

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს