ყირგიზეთმა მოძრაობა “თალიბანი“ ტერორისტული ორგანიზაციების სიიდან ამოიღო. ამის შესახებ ინფორმაციას უცხოური მედია ქვეყნის საგარეო საქმეთა სამინისტროზე დაყრდნობით ავრცელებს.

უწყების ცნობით, “თალიბანის“ აკრძალული ორგანიზაციების სიიდან ამოღების გადაწყვეტილება მიღებულ იქნა შესაბამისი კომპეტენტური ორგანოების მიერ დეტალური განხილვისა და შეფასების შემდეგ. ყირგიზეთის საგარეო საქმეთა სამინისტროში განმარტავენ, რომ ეს გადაწყვეტილება მიმართულია რეგიონული სტაბილურობის განმტკიცებისა და დიალოგის მხარდაჭერისკენ.

ყირგიზეთის ხელისუფლების გადაწყვეტილებას მიესალმება თავად “თალიბანი“, კრემლში კი აცხადებენ, რომ ბიშკეკის ამ ნაბიჯს გაგებით ეკიდებიან.

“ეს აუცილებელია. ამის გარეშე შეუძლებელია რაიმე სახის კონტაქტის დამყარება, ამ კონტაქტებისგან გამიჯვნა კი ასევე არ შეიძლება, ამიტომ ჩვენ გაგებით ვეკიდებით ასეთ სიტუაციას“,- განაცხადა რუსეთის პრეზიდენტის პრესმდივანმა, დმიტრი პესკოვმა.

ავტორი: ექსპრესნიუსი,

სოციალური ქსელები

AnchorGPC-ის დაბადების დღეზე საქართველოს ბანკის მომხმარებლები სპეციალური შეთავაზებით ისარგებლებენ

ისარგებლე ყოველდღე ქეშბექ შეთავაზებებით საქართველოს ბანკის SUPER ნაკრების ფარგლებში

პენიტენციური სამსახურის უფროსად რამაზ თათარაშვილი დაინიშნა

პროკურატურის რეკომენდაციის შემდეგ, გიორგი პატარიძემ პენიტენციურის უფროსის პოსტი დატოვა