2024-09-06 18:36:40, 468 ნახვა

---

უკრაინის ვიცე-პრემიერი - ევროკავშირში გაწევრიანების გზაზე ქვეყანას კონსტიტუციაში ცვლილებების შეტანა მოუწევს

ევროკავშირში გაწევრიანების გზაზე უკრაინას კონსტიტუციაში ცვლილებების შეტანა მოუწევს, - ამის შესახებ უკრაინის ევროპული და ევროატლანტიკური ინტეგრაციის საკითხებში ვიცე-პრემიერმა და იუსტიციის მინისტრმა, ოლგა სტეფანიშინამ განაცხადა.

როგორც სტეფანშინმა აღნიშნა, აუცილებელი იქნება კონსტიტუციაში ცვლილებების შეტანა, რადგან არსებობს ევროპული სასამართლოს გადაწყვეტილებების გამოყენების საკითხი.

"საუბარი შეიძლება იმაზე, რომ ეს ცვლილებები კონსტიტუციაში ძალაში შევა უკრაინის მიერ ევროკავშირში გაწევრიანებასთან ერთად. მაგრამ, ამისთვის მზადება ახლა უნდა დავიწყოთ, რათა ჩვენი მთელი სამართლებრივი სისტემა მზად იყოს ამისთვის", - განაცხადა სტეფანიშინამ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი