„ვისოლი“ ავტოგასამართი სადგურების ქსელის განვითარებას განაგრძობს და კახეთის გზატკეცილზე, სავაჭრო კომპლექს ისთ ფოინთის მიმდებარედ გაზგასამართ სადგურს ხსნის.

ახალგახსნილი გაზგასამართ სადგური 2014 წელს ევროპის რეკონსტრუქციისა და განვითარების ბანკისგან (EBRD) მიღებული 65 მილიონი დოლარის სინდიცირებული სესხის ფარგლებში დაიგეგმა, რომლის საფუძველზეც „ვისოლი“ გაზგასამართი სადგურების ყველაზე ფართო ქსელს განავითარებს საქართველოში.

„მოხარულნი ვართ, რომ საშუალება გვაქვს ადგილობრივ მომხმარებელს ნავთობპროდუქტების ფართო არჩევანთან ერთად ალტერნატიული, ეკოლოგიურად უსაფრთხო, ეკონომიური საწვავიც შევთავაზოთ. მსოფლიო ბაზარზე ნავთობპროდუქტების ფასების არასტაბილურობამ მოთხოვნა ავტოგაზზე მნიშვნელოვნად გაზარდა. შესაბამისად, „ვისოლ ჯგუფმა“, როგორც საზოგადოებაზე მზრუნველმა კომპანიამ, გადაწყვიტა გააფართოვოს ინტეგრირებული ავტოგასამართი და გაზგასამართი სადგურების ქსელი“, - აცხადებს “ვისოლ პეტროლიუმ ჯორჯიას“ გენერალური დირექტორი ვასილ ხორავა.

ახალი გაზგასამართი სადგურების მშენებლობისათვის „ვისოლმა“ მილიონ ლარზე მეტი ინვესტიცია განახორციელა და პროდუქტისა თუ მომსახურების ხარისხისა და უსაფრთხოების ნორმები, ტრადიციულად, ევროპულ სტანდარტებს შეუსაბამა.  მაღალტექნოლოგიური საწვავის მიწოდების ავტომატიზაციის სისტემა, რომლითაც „ვისოლის“ ყველა ავტოგასამართი სადგურია აღჭრვილი, 100% სიზუსტით ახდენს მომხმარებლისათვის საწვავის მიწოდებას და კომფორტულს ხდის მათ „ვისოლში“ სტუმრობას.

ახლადგახსნილ გაზგასამართ სადგურზე 15-მდე ადამიანი დასაქმდა. ახალი სადგურის ოპერატორებს დასაქმებამდე შესაბამისი ტრენინგი ჩაუტარდა.

„ვისოლს“ საკუთრებაში არსებული ავტო გასამართი სადგურების ყველაზე ფართო ქსელი აქვს საქართველოში. კომპანია ვისოლი მომხმარებელს შეკუმშულ ბუნებრივ გაზს 2007 წლიდან სთავაზობს.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს

ძმები ფეიქრიშვილების დედა, ნინო აბრამიშვილი - შვილები არ მომიკვდეს მე კამერაში. იცოდეთ შვილები არ მომიკვდეს

ადვოკატი - დავით ფეიქრიშვილს ფიზიკური დაზიანებები აქვს, გოგამ თვითდაზიანება მიიყენა