"გერმანული მოდელი ნიშნავს, რომ საგანმანათლებლო პროცესში წამყვანი როლი დამსაქმებელს, კერძო სექტორის წარმომადგენელს უჭირავს, ანუ ინდუსტრიას რომლისთვისაც ესა თუ ის პროგრამა ხორციელდება“ , - ამის შესახებ განათლებისა და მეცნიერების მინისტრმა თამარ სანიკიძემ მთავრობის სხდომის დასრულების შემდეგ განაცხადა.

მინისტრის შეფასებით, გერმანულ მოდელი ნამდვილად წარმატების საწინდარი იქნება.

როგორც სანიკიძემ აღნიშნა, ნებისმიერ შემთხვევაში პროფესიული განათლება უნდა იყოს შრომის ბაზარზე ორიენტირებული შრომის ბაზრის მოთხოვნებიდან გამომდინარე, მითუმეტეს როდესაც საქართველოში  ახალი ინვესტიციები ხორციელდება.

"გერმანული სისტემა, არის დუალური განათლების მოდელი, რომელიც ნიშნავს, რომ საგანმანათლებლო პროცესში წამყვანი როლი დამსაქმებელს, კერძო სექტორის წარმომადგენელს უჭირავს, ანუ ინდუსტრიას რომლისთვისაც ესა თუ ის პროგრამა ხორციელდება", - განაცხადა განათლების მინისტრმა.

მინისტრის თქმით, შემოდის ის მოთხოვნები, რომელიც დღეს ბაზარზე არ არსებობდა.

"ჩვენ არ ვაკეთებთ, ამ მოდელის პირდაპირ გადმოღებას საქართველოში, მაგრამ შესაძლებელია დუალური საგანმანათლებლო სისტემიდან იმ ელემენტების წამოღება, რომელიც უშუალოდ საგანმანათლებლო პროცესში კერძო სექტორისა და დამსაქმებლის ჩართულობას უკავშირდება. ეს არის ის, რაც შემდგომში დასაქმების მაღალ მაჩვენებელს წარმოგვიდგენს.

რასაც ვაკეთდებთ, ხდება არსებული რესურსებით და ამ არსებული რესურსების გადანაწილებით. თვითონ რეფორმის დროის გაწერა და შესაბამისი რესურსების დაგეგმარება მიმდინარეობს. პარალელურ რეჟიმში გერმანულ მხარესთან მოლაპარაკება მიმდინარეობს, რომელიც იქნება ჩვენთან ერთად რეფორმაში ჩართული", - განაცხადა თამარ სანიკიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს